Thuirt Mgr Russell gu bheil meudachadh na th' ann de luchd-labhairt riatanach

Bidh am pròiseact, air a bheil Soillse, ag amas air ath-bheothachadh a thoirt air a' chànan air feadh na h-Alba.

'S ann bho Chomhairle Mhaoineachaidh na h-Alba, Bhòrd na Gàidhlig, agus Iomairt na Gàidhealtachd 's nan Eilean a thàinig a' mhaoin.

Thèid an t-suim a roinn eadar Oilthigh Obar Dheathain, Oilthigh Dhùn Èideann, Oilthigh Ghlaschu, agus OGE.

Thèid an t-airgead a chleachdadh gus naoi cothroman PhD a chruthachadh, agus co-labhairt bhliadhnail a chumail gus toraidhean rannsachaidh a thaisbeanadh.

Bidh an rannsachadh ag amas air stiùireadh a thoirt do dh'iomairtean sòisealta agus eaconamach an Riaghaltais Albannaich mu choinneimh na Gàidhlig.

Thàinig an naidheachd agus £50,000 ga fhoillseachadh le Rùnaire an Fhoghlaim, Mìcheal Russell, agus e a' toirt seachad Òraid an t-Sabhail Mhòir.

Thuirt e gu bheil obair èiseil ro Alba, a bhith a' cruthachadh ginealaich ùir de luchd-labhairt na Gàidhlig.

Bidh fòcas air na bliadhnaichean tràtha, an sgoil, agus foghlam inbheach is coimhearsnachd, fìor chudromach thuirt e, airson an amas sin a choileanadh.

Thèid an t-airgead a tha MG Alba a' faighinn a chleachdadh airson làrach-lìn ùr a chruthachadh le goireasan do luchd-ionnsachaidh.