Chaidh an drochaid fhosgladh ann an 1982

Tha Transerve Scotland an dùil aon taobh den drochaid a dhùnadh agus an uair sin an taobh eile airson an rathad a chàradh ann an 2011.

Tha an-fhois air daoine ge-tà, gur dòcha nach fhaigh iad a-null 's a-nall thar Chaolas Inbhir Nis.

Fo na planaichean bhiodh càraichean a' dol gu tuath agus gu deas taobh a chèile air an aon leth den drochaid, seach le balla eatorra.

Tha a' chompanaidh ag ràdh gun do thagh iad an samhradh airson na h-obrach, ri linn na h-aimsire, agus leis nach bi uidhir de thrafaig air an drochaid aig na h-amannan as trainge den là, agus mòran dhaoine air saor-làithean.

Thathas an dùil gum mair an obair còig mìosan, as dèidh dhi tòiseachadh sa Mhàirt 2011.

Tha dragh cuideachd air daoine mun bhuaidh a bheireadh na planaichean air seirbheisean èiginn, nam feumadh carbad-eiridinn a dhol tarsainn na drochaid aig àm thrang.