Bidh an fhactoraidh ùr sùidhichte aig Àranais

Tha iad an dòchas gum bi an fhactoraidh, a chosgas £5m, fosgailte as t-samhradh an ath-bhliadhna.

Bha factoraidh eile aca ann am Marybank ann an Leòdhas mus do dhùin i sin san Dùbhlachd an uiridh.

Tha a' chompanaidh a-nis fo stìureadh ùr.

Tha Lighthouse Caledonia ag ràdh gum faodadh an fhactoraidh ùr aca cosnadh a chumail ri ceud duine.

Bha sia fichead duine 's a deich ag obair aca roimhe.

'S e an staing-airgid anns an robh a' chompanaidh aig deireadh na bliadhna an uiridh a thug orra factoraidh Steòrnabhaigh a dhùnadh.

Thuirt fear-labhairt na companaidh gu bheil iad a-nis a' sireadh airgid airson a' phròiseict agus gum bi iad a' sùileachadh airgid bhon Roinn Eòrpa.

Fàilte

Bha ball-pàrlamaid nan Eilean Siar ann an Westminster, Aonghas Brianan MacNèill a-measg na rinn toileachas ris an naidheachd.

Thuirt e gum feumadh a' chompanaidh a h-uile cuideachadh fhaighinn airson na planaichean aca a thoirt gu buil.