17 An t-Iuchar, 2009 - Air fhoillseachadh aig 09:23 BST

An A96 fosgailte a-rithist an dèidh tuiltean

Tha an A96 fosgailte a-rithist an dèidh do thuiltean a dhùnadh an ear air Inbhir Nis.

Chaidh eabar bho thalamh àiteachais fhàgail air an rathad leis na tuiltean, is b' fheudar an rathad a dhùnadh airson sin a ghluasad air falbh.

Thuit dearsach mhòr ann an Inbhir Nis is Inbhir Narann eadar 10:00f is meadhan oidhche Diardaoin.

Chaidh damaiste a dhèanamh air grunn thaighean san sgìre, ach bha cuideachadh anns na pocannan gainmhich a chuir luchd-obrach Comhairle na Gàidhealtachd a-mach airson na h-uisgeannan a smachdachadh.

B'fheudar dhan luchd-smàlaidh uisge a phumpadh air falbh bho ghrunn sràidean ann an Inbhir Narann cuideachd.

Tha Oifis na Sìde ag ràdh gum bi i fliuch is garbh air feadh a' Chinn a Tuath le meallan troma ann an àiteachan.