 Home |
Explore the BBC |
 |
|
|
|
|
|
|
|||||||||||||||||
|
|
||||||||||||||||||||||
|
---------------
---------------
---------------
Tuilleadh
bhon BhBC ---------------
Cànain
|
Dragh mu 120 cosnadh aig Raon nan Rocaidean
|
||||||||||||||||||||||
Tha dragh air èirigh mu phlanaichean a th' aig a' chompanaidh Qinetiq airson raointean rocaid ann an Uibhist a Deas, Beinn
nam Fadhla agus Hiort.
Thig fios bho Mhinistearalachd an Dìon (MOD) Diciadain co-dhiù thèid na raointean, air a bheil mòran obraichean a' crochadh, a dhùnadh no lùghdachadh. Bidh an MOD a' foillseachadh thoraidhean sgrùdaidh a chaidh a dhèanamh air raointean rocaid a tha Qinetiq a' ruith as an leth air feadh na dùthcha. Thathas a' tuigsinn gu bheil Qinetiq airson na raointean a ghluasad gu Aberporth anns a' Chuimrigh, far a bheil iad mar thà air £12m a chosg. Nan deadh na raointean a dhùnadh, no a lùghdachadh, tha dragh gun caillear suas ri 120 cosnadh sìobhalta. Tha an MOD a' dol às àicheadh gum biodh na h-ionadan a' dùnadh no gan ruith sìos. Cha chanadh iad ach gum biodh atharrachadh ann a bheireadh buaidh air an luchd-obrach, ach nach robh iad am beachd tarraing a-mach às an sgìre. Thuirt a' chompanaidh choimhearsnachd leis a bheil am fearann far a bheil raon-rocaidean Gèirinis, Stòras Uibhist, gu bheil iad fìor dhraghail mun naidheachd. Thuirt iad nach biodh iad deònach obrachadh tuilleadh còmhla ris an MOD, ma 's i an fhìrinn a th' ann. |
Ceanglaichean eile
Chan eil uallach air a' BhBC airson na th' air làraichean-lìn eile
|
||||||||||||||||||||||
|
|||||||||||||||||||||||
|
|||||||||||||||||||||||
Qinetiq (Beurla)