Tha dùil ri deasbad gu math làidir oidhche Dhishathairne

Tha Mghr Rennie air gairm fhaighinn bho choithional Chrois na Ban-rìgh ann an Obar Dheathainn, ach tha feadhainn taobh a-staigh na h-eaglais a' faireachdainn nach bu chòir dha a bhith na mhinistear leis gu bheil e gèidh agus ann an cairdeas le fireannach eile.

Nan deadh ceadachadh dha a dhol a dh'Obar Dheathainn, tha e an dùil fuireach anns a' mhannsa còmhla ri chompanach.

Tha còrr dà dheug mìle duine bho ghrunn eaglaisean air an ainm a chuir ri ath-chuinge ag iarraidh gun deadh Mghr Rennie a chasg bhon a' mhinistrealachd.

Tha faisg air trì cheud duine air an ainm a chuir ri ath-chuinge a' cur taic ri Mghr Rennie.

Tha beachd ann gum faodadh e sgaradh adhbharachadh san eaglais ma chuireas an t-Àrd-sheanadh taic ri cleir Obar Dheathainn.

Tha Mghr Rennie air naoi bliadhna a chuir seachad aig Àrd-eaglais Bhreichin.

Thèid deasbad oidhche Dhisathairne am bu chòir leigeal leis a bhith air a phòsadh ri coithional Chrois na Ban-rìgh.

Cuspairean eile

Cluinnidh an t-Àrd-sheanadh cuideachd mar a tha e a' fàileachadh air an Eaglais na h-uidhir de bhoireannaich a thaladh chun na ministrealachd.

Thèid bruidhinn cuideachd air mar a ghabhas teicneòlas ùr a bhith air a chleachdadh airson an t-soisgeul a sgaoileadh gu àitean iomallach a tha as aonais mhinistear.