Help / Taic

Facal Oirbh, BBC Radio nan Gàidheal, 31 Màrt 2009

Co-cheangailte ri Òrduighean

Lag an Eich Bhàin

B' e seo far am biodh daoine a' cruinneachadh airson nan òrduighean ann an Geàrrloch.

Bho Ùisdean Cheape, Dun Èideann

Cnoc Eothail

Seo àite far am biodh daoine a' cruinneachadh airson nan òrduighean ann an Ùig, Leòdhas.

Seanfhacail is Abairtean

Crìoch air cosnadh, 's e bàs is pòsadh

Tha bristeadh nan cnàmh agadsa is tha smior aig càch

A' ciallachadh tha an obair agadsa ach tha toradh na h-obrach aig càch.

Bho Thòmas Moireasdan, Loch Portan, Uibhist a Tuath

Euslaintean is Ìocshlaintean

Deileam

Seo seòrsa de theas a bhiodh ann an càirean no bannas. Bhiodh e tric air a ràdh mu leanabh a bhiodh a' faighinn nan cùlagan, gu robh deileam às a' bheul aige.

Bho Thòmas Moireasdan, Loch Portan, Uibhist a Tuath

Cur-seachadan

Dallan-dà

Seo facal airson Blind Man's Buff

Bho Thòmas Moireasdan, Loch Portan, Uibhist a Tuath

Facail

Cuilbhear, Cuaine agus Steabhag

Ged a tha cuilbhir air a chleachdadh, mar eisimpleir anns an Eilean Sgitheanach, airson sgian mhòr, a rèir Thòmais Mhoireasdain bhathas a' cleachdadh cuilbhir airson bata, an seòrsa a bhiodh agad a' dol a-mach a choiseachd, ann an Uibhist a Tuath. Tha cuilbhear cuideachd a' ciallachadh seòrsa de ghunna.

Chante cuaine cuideachd ri bata ann an Leòdhas, ach cha robh steabhag làidir gu leòr airson a cleachdadh mar bhata.

Corc

'S e sgian mhòr a th' ann an corc, mar eisimpleir corc an arain.

BBC © 2014 Chan eil uallach air a' BhBC airson na th' air làraich-lìn eile.

Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.