Cacen Siocled Dorothy Williams

Ar ddydd Mawrth Ionawr 27, sef Diwrnod Cenedlaethol y Gacen Siocled fe gafodd Jonsi sgwrs gyda Dorothy Williams o Lambed sy'n arbenigwraig ar wneud cacennau siocled, a dyma ei rysáit hi am gacen siocled perffaith!

Cynhwysion

• 5 owns/125g o flawd codi (self raising)
• 1 owns/25g o bowdwr siocled
• 6 owns/150g o siwgr brown neu caster
• 4 owns/100g margarine neu fenyn
• 2 wy
• Ychydig o laeth

Dull

1. Cymysgwch y cyfan a'i roi mewn tun yn y popty ar 180 C am dri chwarter awr.
2. Tynnwch y tun allan a gadael iddi oeri.
3. Toddwch siocled a'i roi dros dop y gacen.
4. Neu, torrwch y gacen yn ei hanner a rhoi hufen ffres yn y canol.
5. Mwynhewch!

Os oes ganddoch chi rysáit cacen siocled - cysylltwch â'r rhaglen!

Cacen Siocled Jonsi

Cynhwysion

• 275g blawd plaen
• 3 llwy fwrdd o bowdr coco
• 11⁄2 llwy de o soda pobi
• 11⁄2 llwy de o bowdr codi
• 215g siwgr mân
• 3 llwy fwrdd o driog melyn
• 3 ŵy wedi'u curo
• 225ml olew blodau'r haul
• 225ml llefrith

Eisin

• 450g siocled plaen - mewn darnau
• 200g menyn heb halen

Ffordd Jonsi

1. Ira 2 dun 20cm crwn a'u leinio efo papur pobi. Cynhesa'r popty i 160C/325F/Marc Nwy 3.
2. Hidla'r blawd, y powdr coco, y soda pobi a'r powdr codi i bowlen fawr. Ychwanega'r siwgr. Cymysga'r cyfan yn dda.
3. Gwna dwll yng nghanol y cynhwysion ac ychwanega'r triog melyn, yr wyau, yr olew a'r llefrith. Cymysga dda efo llwy bren cyn tywallt y gymysgedd i'r tuniau.
4. Coginia am tua 35 mun, tan fod y cacennau wedi codi - yna rho nhw i oeri. Torra'r cacennau yn eu hanner drwy'r canol.
5. Rho'r siocled mewn powlen dros sosban o ddˆwr berwedig. Ychwanega'r menyn unwaith y bydd y siocled wedi toddi.
6. Rho'r eisin rhwng haenau'r gacen cyn tywallt y gweddill dros y gacen gyfan. Defnyddia gyllell i lyfnhau'r eisin.
7. Rho dy draed i fyny - a mwynha!