Cafodd Dylan ei eni a'i fagu yn Aberystwyth, ac fe fynychodd Ysgol Gymraeg y dref cyn symud ymlaen i Ysgol Penweddig.

Buodd yn cyfrannu at Radio Ceredigion am gyfnod cyn gadael Aber er mwyn mynd i'r Brifysgol yng Nghaerdydd. Roedd ei gyfnod yn y coleg ddim yn un llewyrchus i ddweud y lleiaf a gadawodd ar ddiwedd y flwyddyn gyntaf gan ddechrau gweithio i gwmnïau teledu annibynnol yn y brifddinas.

Buodd yn gweithio fel cynorthwy-ydd cynhyrchu gyda nifer o gwmnïau ar nifer o gyfresi drama am bedair blynedd - gan fwynhau'r profiad a'r amrywiaeth yn enfawr.

Cafodd swydd gydag adran chwaraeon y BBC ym 1997 yn darllen bwletinau chwaraeon ar Radio Cymru.

Ar ôl cyfnod yn cyflwyno'r rhaglen bêl-droed Gol! ar S4C, mae Dylan bellach yn cyd-gyflwynor Gamp Lawn gyda Eleri Siôn bob dydd Sadwrn ar Radio Cymru gan hefyd gyflwyno'r bwletinau a chyfrannu i C2 yn ystod yr wythnos.

"Byddaf hefyd yn heidio i Highbury yn aml er mwyn canolbwyntio ar fy nghariad cyntaf - clwb pêl-droed Arsenal!" meddai.