Gin eirin tagu neu gin eirin perth. Enw arall ar y ddraenen ddu yw'r eirin berth.

Dyma dinctir naturiol sy'n dda at normaleiddio pwysau gwaed.

Dyma rysáit Graham Williams o Dafarn y Talbot, Tregaron yn seiliedig ar rysait Mrs Beeton.

Cynhwysion

Modfedd dda o eirin tagu
Modfedd dda o siwgr gwyn
Llenwi gweddill y botel hefo gin

Y Paratoi

1. Pigo'r eirin tagu a'u rhoi yn y rhewgell dros nos.
2. Eu dadmer yn y popty ping.
3. Rhowch fodfedd dda o sigwr mewn hen botel (mae potel win hefo caead sgriw yn ddelfrydol).
4. Yna rhoi modfedd dda o eirin tagu yn y botel. Llenwi'r botel hefo gin rhad a cau y caead yn dynn.
5. Ysgwyd y botel bob dydd am rhyw bythefnos, ac mae'r gin eirin tagu yn barod
6. Ei hidlo cyn ei roi mewn potel. Bydd lliw y gin yn ddu-las.
7. Mwynhewch, ond peidiwch a meddwi!