Cynhwysion

Hanner coes o gig oen
Halen a phupur du
Rhosmari ffres
5 clof o garlleg wedi'u torri'n dafellau
Olew Olewydd
Ffoil
Barbeciw tegell (gyda chaead)

Dull coginio

Paratowch y barbeciw ar gyfer y cig, gan roi un pentwr o glolosg ar un ochr a phentwr arall o glolosg ar yr ochr arall. Gadwch sianel o ryw 40-50cm rhwng y ddau bentwr o glolosg . Cynheuwch y glolosg ac aroswch nes ei fod yn troi'n wyn cyn ychwanegu'r cig.

Irwch y cig oen gydag olew olewydd. Torrwch gyfres o dyllau bach yn y cnawd a rhowch ychydig o rhosmari a sleisen o glof garlleg ymhob twll. Rhowch halen a phupur du ar y cig i roi blas.

Defnyddiwch y ffoil i greu basin hirsgwar (drip tray) a gosodwch hwn yn ofalus rhwng y ddau bentwr o glolosg, gan ddefnyddio tongs a gofalwch rhag llosgi.

Gosodwch gril y barbeciw uwchlaw'r glolosg a rhowch y goes parod o gig oen ar ei ben, gan ofalu bod y cig uwchben y basin ffoil er mwyn dal y saim.

Gosodwch y caead ar ben y barbeciw, gan sicrhau bod y tyllau awyru ar agor.

Coginiwch y goes am hyd at ddwy awr nes ei bod yn frown y tu allan. Defnyddiwch thermomedr cig os am fesur y gwres y tu mewn.

Gweinwch y cig oen mewn rholiau bara ffres neu gyda thatws dauphinoise a salad.