Cynhwysion

• 3 llwy fwrdd o olew mwstard neu lysiau
• 1 llwy de yr un o fwstard brown, nigella (hadau nionyn), hadau fennel a hadau cumin
• 1/2 llwy de o hadau fenugreek
• 1 nionyn canolig, wedi ei dorri'n giwbiau
• 1 1/2 llwy fwrdd yr un o arlleg wedi ei dorri'n fân a sinsir fresh wedi ei dorri'n fân (neu o bâst parod garlleg a sinsir)
• 2-3 chiili gwyrdd. Wedi eu gadael yn gyfan neu eu hollti i lawr y canol.
• Tynnwch yr hadau os nad ydych yn hoffi gormod o wres yn eich cyri
• 1/2 llwy de o bowdwr turmeric
• 1 1/2 llwy fwrdd o bowdwr coriander
• Halen
• 4 tomato canolig, wedi eu gratio
• 800g (pwys a 9owns) o or-gimychiaid amrwd. (Os fedrwch chi brynnu rhai cyfan - golchwch nhw, tynnwch y crwyn a'r gwythiennau allan, gan adael y cynffonnau'n gyfan)
• 100ml o ddwr poeth
• 2 lwy de o garam masala
• 1/2 llwy de o bupur du wedi'i falu'n ffres
• 1 llwy fwrdd o sudd lemwn
• Llond dwrn o goriander ffres (y dail a'r coesau)

Dull

1. Cynheswch yr olew mewn padell a ffrïwch yr hadau'n ysgafn am tua hanner munud
2. Ychwanegwch y nionyn a'i goginio am rhyw 10 munud tan ei fod yn troi'n liw euraidd
3. Ychwanegwch y garlleg, sinsir a'r chilli a'u coginio am tua munud cyn ychwanegu'r turmeric, powdwr coriander a'r halen
4. Rhowch y tomatos yn y badell a mudferwi'r gymysgedd am tua 10 munud, gan ychwanegu ychydig o ddwr os oes angen
5. Ychwanegwch y gor-gimychiaid a'r dwr. Berwch y cyfan, yna gostwng y gwres a rhoi caead ar y sosban, gan fud-ferwi tan fod y gor-gimychiaid wedi coginio
6. Tynnwch y caead, a berwch y cyri tan fod y saws yn lleihau ac yn trwchu.
7. Trowch gweddill y sbeisus, y sudd lemwn a'r coriander ffres i mewn i'r cyri a gweinwch efo bara roti neu reis