Cynhwysion

• Rac o gig oen


• Olew olewydd


• Llond dwrn o sbrigau rhosmari


• 1/4 pot o iogwrt naturiol


• Llond dwrn o gaws stilton wedi'i falu


• Garlleg wedi'i falu

Dull coginio

1. Torrwch holltau i mewn i'r rac cig oen, ond heb dorri'r holl ffordd drwy'r golwythion.
2. Rhowch yr olew, rhosmari a'r garlleg mewn dysgl a rhwbiwch y cyfan i mewn i groen y cig oen.
3. Gosodwch y cig croen-lawr ar y barbeciw a'i selio tan ei fod yn frown - tua 5 munud.
4. Cymysgwch yr iogwrt a'r caws mewn powlen.
5. Gwnewch barsel allan o ffoil a rhowch y cig oen i mewn, ynghyd â'r gymysgedd caws a'r rhosmari.
6. Seliwch y parsel yn llac a'i osod yn ôl ar y barbeciw am tua hanner awr, gan ddibynnu ar pa mor binc fyddwch chi'n hoffi'ch cig oen.
7. Gweinwch gyda'r caws fel saws a phupur du wedi'i falu'n ffres.