Cynhwysion

• 4 haenen o basta lasagne ffres wedi'u rhoi mewn dŵr berw am 5 munud
• 2 bupur coch wedi eu torri'n stripiau
• 300g o gaws gafr Cymreig wedi ei giwbio
• 200g o gaws Llŷn (Cheddar o Gaernarfon) wedi ei gratio
• Dyrnaid o ddail basil
• Croen hanner lemwn
• Halen
• Pupur du

Y saws

• 50g o fenyn di-halen
• 1 winwnsyn wedi ei dorri'n fân
• 2 glof o arlleg wedi ei dorri'n fân
• 10 tomato ffres wedi eu ciwbio, heb yr hadau
• 1 llwy fwrdd o puree tomato
• 1 gwydriad o win gwyn Chardonnay
• Sudd hanner lemwn
• 2 lwy fwrdd o gaws Mascarpone
• Halen a phupur du

Dull

Rhoi'r pasta ar y bwrdd a rhoi darn o ddeilen basil a chroen lemwn ar bob darn.

Rhoi haenen o bupur coch o un pen i'r llall, cyn rhoi darnau o gaws gafr Cymreig ar ei ben.

Ychwanegu ychydig o halen a phupur a'i rowlio'n dynn i greu parsel.
Yna rhowch y parseli i gyd mewn dysgl yn barod ar gyfer y saws.
Nesaf, gwnewch y saws...

Toddi'r menyn a ffrio'r winwns a'r garlleg nes eu bod yn feddal, yna ychwanegu'r puree tomato a'i goginio am 2-3 munud.

Ychwanegu'r tomatos, pinsied o halen a phupur a'u coginio am 10 munud. Yna, ychwanegu'r gwin a'r sudd lemwn a mudferwi'r cyfan ar wres isel am 45 munud. Cymysgu'r Mascarpone i'r saws yn ystod 10 munud olaf y coginio.

Pan fydd y saws wedi oeri ychydig, chwyrlïo'r cyfan nes ei fod yn llyfn ac yna tywallt y saws dros y parseli. Rhowch y caws llyfn dros y cyfan ac yna'i goginio yn y popty am tua 30 munud ar dymheredd o 220 gradd Celsius. Gallwch ei weini gyda salad syml neu fara garlleg.