Gwrandewch ar Dafydd Du yn cyfweld Huw Bunford
Mae'n fis Ionawr. Ma'r goeden Nadolig 'di thynnu, yr addurniadau 'di diffodd a'r unig siocledi ar ôl yn y bocs yw'r orange creams. Ma'r blues mis Ionawr arnon ni gyd - ond i godi'n calonne ni gyd ar ddechra'u'r flwyddyn, ma'r Super Furry Animals 'di cyhoeddi taith newydd fydd yn ymweld â'r Iwerddon, Yr Alban, Lloegr - a Chymru, yn ystod misoedd Mawrth ac Ebrill eleni.
Bydd y daith yn dechre yn y Royal Court, Lerpwl ar nos Sadwrn, Mawrth 27 ac yn gorffen yn yr Apollo Hammersmith, Llundain ar nos Iau, Ebrill yr 8fed. Ac mi fydd Gruff, Bunf, Daf, Cian ac Iwan yn dychwelyd i Gymru ar nos Wener, Ebrill 2il i rocio'r CIA yng Nghaerdydd. Cliciwch ar safle Gigwyddiadur C2 am y manlynion llawn
Yn y cyfamser bydd y band yn gigio mewn nifer o ddinasoedd Ewrop yn ystod mis Ionawr, gan gynnwys Madrid, Barcelona, Paris ac Amsterdam cyn troi tuag at America lle bydd y bechgyn yn 'neud 22 gig mewn 27 diwrnod.
Gwrando
Podlediad
Lawrlwytha Pod C2 am ddim - darnau gorau C2 pob wythnos ar gyfer dy chwaraeydd MP3. Beth yw podlediad?
C2 ar BBC iPlayer
Cyfle arall i glywed holl raglenni C2 o'r saith diwrnod diwethaf.
