CDs Pesda Roc a Mim Twm

Tich Gwilym

Tich Gwilym

Mae manylion am ddau CD newydd sbon o ardaloedd chwareli Cymru wedi cyrraedd C2. O Danygrisiau ger Blaenau Ffestiniog daw Straeon y Cymdogion, sef albym newydd Mim Twm Llai, ac o Fethesda daw Defaid William Morgan, sef casgliad aml-gyfrannog o artistiaid yr ardal.

CD o dan ofal 'Pesda Roc' yw Defaid William Morgan sydd wedi'i henwi ar ôl cân enwog Hogia Llandegai. Mae'r casgliad yn cael ei ryddhau i gofio am Ron a Now o'r grŵp ac er cof hefyd am y gitarydd Tich Gwilym sydd hefyd yn ymddangos arno.

Mae'r CD yn cynnwys llwythi o ganeuon byw wedi'u recordio mewn gwyliau fel Pesda Roc, yn cynnwys fersiwn o Rhagluniaeth Ysgafn gan Gruff Rhys a chaneuon gan Winabego a Bryn Fôn. Dyma restr llawn o'r traciau:

1. Defaid William Morgan - Hogia Llandegai
2. Rhagluniaeth Ysgafn - Gruff Rhys
3. Tra Bo Dau - Gwilym Morus a Lowri Cunnington
3. Ti Di Chwarae'r Diafol Allan Ohona i - Mehefin y Cyntaf
4. Grefi - Howget
5. Heddwch 2005 - Brodyr
6. Yn y Nos - Gareth Sion
7. Zvinovaka - Shirimafaro
8. Manteris Llanberis - STIR
9. Diwrnod - Steve Mwg
10. Stop Eject - Celt
11. Eithaf - Alun Tan Lan
12. Lisa Lân - 9Bach
13. Blaenau Ffestiniog - Llwybr Llaethog
14. Yr Eiliad - Winabego
15. Daear a Haul - Lleuwen Steffan
16. Yn y Niwl - Amledd
17. Bethesda - Geraint Ffrancon
18. GTI - Estella
19. Cadw'r Blaidd o'r Drws - Bryn Fôn
20. Porno Lladin - Geraint Jarman
21. Hen Wlad Fy Nhadau - Tich Gwilym

Bydd y CD ar werth yn y Steddfod ym mhabell Pesda Roc ar y maes am £10.

CD arall sydd wedi'i dylanwadu gan ardaloedd y chwareli yw un Mim Twm Llai - Straeon y Cymdogion sy'n cael ei lansio yn Sesiwn Fawr Dolgellau ar Orffennaf 15ed. Gafodd Mim Twm Llai lwyddiant enfawr gyda'i albym cyntaf O'r Sbensh felly cofiwch wrando ar Radio Cymru i glywed y caneuon newydd.

Cliciwch yma am fanylion llawn holl CDs newydd yr haf.

Gwrando

Podlediad

Lawrlwytha Pod C2 am ddim - darnau gorau C2 pob wythnos ar gyfer dy chwaraeydd MP3. Beth yw podlediad?

C2 ar BBC iPlayer

Cyfle arall i glywed holl raglenni C2 o'r saith diwrnod diwethaf.

Llywio drwy’r BBC

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.