Er mai nid yr Offbeats gafod y marciau uchaf ar y noson gan y tri beirniaid - Owen Powell gynt o Catatonia, Rhodri Llwyd Morgan o'r band Cerrig Melys, a Bethan Elfyn, sy'n cyflwyno ar Radio 1 - roedd pleidlais y gwrandawyr yn ddigon i sicrhau mai nhw wnaeth gipio coron 'Amheus' - pencampwyr 2007.

Mae'r wobr i'r band ifanc yn un sylweddol - byddant yn recordio Sesiwn i ni yma ar C2; yn cael ymddangos ar raglenni teledu Bandit ac Uned 5 ar S4C; perfformio yn Maes B, Eisteddfod Caerdydd 2008; chwarae mewn gigs Mentrau Iaith Cymru; yn ogystal a pherfformio ar Daith Bandit / C2 2008.

Llongyfariadau mawr unwaith yn rhagor i'r Offbeats, a phob dymuniad da iddyn nhw a'r holl fandiau eraill wnaeth gystadlu eleni. Rydym yn gobeithio clywed llawer mwy ganddyn nhw yn y dyfodol.

Galli weld proffeil o'r band buddugol isod:

Yr Offbeats
o Grymych

Neu i weld holl fanylion y gystadleuaeth eleni - proffeiliau o'r bandiau eraill yn y rownd derfynol, lluniau o Rowndiau Rhanbarthol 2008, a manylion yr holl gystadleuaeth cliciwch yma.