Sut ydach chi wedi cyrraedd lle rydach chi erbyn hyn?

Nes i ddechre gneud rhaglenni radio ar radio ysbyty Rookwood yng Nghaerdydd pan o'n i'n ryw 15. Cyn hynny o'n i'n gneud tapie o raglenni radio adre ar caset.

Uchafbwynt arall oedd ateb y ffôns i raglen o'r enw Ram Jam a fi oedd Dr Pop ar y rhaglen Gang Bangor am sbel. Pan o'n i'n gneud fy lefel A, nes i gael y swydd o gyd-gyflwyno y Session in Wales gyda Bethan Elfyn ar Radio 1. Erbyn hyn rwy'n cyflwyno ar ben fy hun ar Radio 1. Nes i ddechre cyflwyno rhaglen Nos Sadwrn ar Radio Cymru, a nawr C2.

Record gyntaf i chi brynu?

Albym Crowded House. Do'n i ddim yn gwybod gwell.

Gig gorau i chi fynychu a pham?

Catatonia ym Mhrifysgol Aberystwyth, jyst cyn i International Velvet ddod allan. Gig bach, chwyslyd, prysur a gwych.

Ym mha fand yr hoffech chi fod yn aelod ohoni a pham?

Unai yn backing band Kylie Minogue, Johnny Cash, neu y Beatles.

Eich hoff gân carioci?

Dolly Parton - Nine till Five, er bo fi prin byth yn canu carioci.

Eich arwr/arwres?

Fy arwres ydi Kylie.

Fy arwr ydi Superman.

Be sy'n gwneud i chi grio?

Winwns/Nionod.

Dibynnu os chi'n dod o'r de neu'r gogledd.

A chân gan Nick Cave - Into My Arms, un o'r caneuon fwya' hyfryd a tor-calonnus erioed.

Sut yr hoffech chi gael eich cofio?

Hapus, barfog, onest.

Eich cas gân neu grwp?

Ah, siwr y fod rhywun fel Celine Dion.

Snog cyntaf - disgrifiwch y profiad, y lleoliad a chyda phwy?

Mewn garej yn y tŷ drws nesa, gyda merch sy' nawr yn briod ag aelod o'r Cynulliad. Allai ddim deud ei henw ond mae'n dechre gydag 'Em' a gorffen gyda 'ily'.

Profiad brysiog, amhleserus.

Tafod hir ganddi.

Posteri o beth, neu o bwy oedd ganddoch chi ar wal eich ystafell wely?

Arfer bod Catatonia, a Divine Comedy. O'n i'n obsessed gyda torri llunie o gylchgronau a papure newydd a sticio nhw ar y wal. A llun o David Copperfield unwaith hefyd, sy' braidd yn rhyfedd wrth edrych nôl.

Beth sydd ar eich waliau erbyn hyn?

Clawr y record Welsh Rare Beat, cardiau post, poster Flaming Lips a Gorky's.

Y peth gwaetha i chi wisgo'n gyhoeddus?

O'n i arfer gwisgo gwasgod wedi ei gwneud o frethyn Cymreig yn aml. Oedd pawb arall yn gwisgo shell suits, ac o'n i yne mewn blydi gwasgod brethyn!

Dathliad gorau erioed?

Neithiwr, bob tro.