Sut wyt ti wedi cyrraedd lle rwyt ti erbyn hyn?
Mewn taxi

Gêm bêl-droed orau i ti erioed fynd iddi?
Y tro cyntaf i fi weld Arsenal - o'n i'n ifanc iawn a dwi ddim yn cofio llawer, ond dyna ddechre perthynas sydd wedi para am bron i 30 mlynedd!

Be ydy'r digwyddiad mwya' doniol neu anarferol i ti gofio ym myd chwaraeon?
Maradona a'r Hand of God yn chwalu Lloegr ym Mexico 86!!!

Record cyntaf a diwethaf i ti brynu?
Shakin Stevens o'dd y record gyntaf. Yr un diwethaf odd 'Doolittle' gan y Pixies - nes i golli'r gwreiddiol rhai blynyddoedd yn ôl a ro'n i wedi anghofio pa mor anhygoel yw'r record yma.

Pwy ydy dy arwr ac arwres a pham?
Mam a Dad - y rhieni perffaith

Dy hoff dîm a dy gas dîm pêl-droed?
Hoff dîm - Arsenal
Cas dîm - Arsenal

Ym mha fand yr hoffet ti fod yn aelod ohoni a pham?
Stone Roses - er mwyn ceisio perswadio gweddill y band i beidio chwalu.

Uchafbwynt ac isafbwynt o fyd y campau i ti?
Uchafbwynt oedd Arsenal yn ennill y gynghrair yn Anfield yn '89 - cic ola'r gem - cic ola'r tymor! Isafbwynt oedd Arsenal yn colli yn Wrescam yng nghwpan Lloegr - dim pob Cymro o'dd yn dathlu'r diwrnod hynny!

Os fydde ffilm yn cael ei wneud o dy fywyd, pwy fydde'n chwarae dy ran di?
Huw Ceredig

Wyt ti erioed wedi canu carioci - lle a phryd a be ydy dy hoff gân?
Erioed wedi - ddim yn bwriadu gwneud chwaith. Ond tase fy mywyd yn dibynnu ar y peth bydden i'n canu 'American Pie' - y fersiwn wreiddiol gan gynnwys pob pennill.

Be sy'n gwneud i ti grio?
Fi yn canu carioci

Be ydy dy freuddwyd?
Bod yn hapus

Pryd oedd y tro diwethaf i ti godi cywilydd arna ti dy hun?
5 munud yn ôl

Be ydy'r peth gorau i ti erioed brynu?
Diod i fy ngwraig - bydden i ddim wedi dechre siarad 'da hi heblaw am hynny! Sori, yw hwnna'n sad?

Dy gas gân a grwp
Unrhyw gân gan unrhyw grwp sy'n ceisio canu gwlad yn Gymraeg. Dyle double act sy'n cyfieithu caneuon Hank Williams gael eu gwahardd am oes.

Snog cyntaf - disgrifia'r profiad, y lleoliad, gyda phwy?
O'n i'n arfer cusanu posteri Arsenal ar waliau fy ystafell wely cyn pob gêm i ddod â lwc. Profiad ysbrydol! Dwi dal ddim wedi cael snog go iawn!

Dy crush cyntaf?
Arsenal

Be ydy dy 'claim to fame'?
Cael cwblhau holiadur ar safle gwe C2!