Dyma gyfle i ddarllen cerdd newydd Bardd yr Wythnos ar C2 ar gyfer 10-14 Rhagfyr 2007, sef Andrea Parry.
Ar nos Iau, Rhagfyr 13, daeth Andrea ar raglen Dafydd Du ar C2 i ddarllen ei cherdd newydd. Yn ôl Andrea, y sbardun i ysgrifennu'r gerdd yma oedd:
"Y newyddion bod sôn am gau neu ffedaraleiddio ysgolion gwledig Gwynedd ac effaith hyn ar gymunedau cefn gwlad."
Cloch yr Ysgol
Mae miwsig ei gwahoddiad
Yn denu to r'ôl to;
Heidio trwy'r drws agored
Mewn hwyl wna plant y fro.
Mae bwrlwm yn y chwarae
A'r sgwrsio sy'n llawn hud
Wrth gasglu i bair yfory
Lond gwlad o drysor drud.
Heddiw'r, cadwyni papur
A fu'n dynn, sy'n bethau brau,
A chlywir sŵn yr ergyd
Yng nghlep y drysau'n cau.
Mae cnul hen gloch yr eglwys
Mewn galar - tro ar fyd;
Daeth taw ar sgwrsio'r plantos,
Aeth lleisiau'r llan yn fud.
Andrea Parry, Rhagfyr 2007
Gwrando
Gwrando'n fyw
Ymlaen nawr: C2: Magi Dodd (20:02-22:00)
Cyfle i glywed pwy fydd rhif 1 2009 yn Siart C2.
Podlediad
Lawrlwytha Pod C2 am ddim - darnau gorau C2 pob wythnos ar gyfer dy chwaraeydd MP3. Beth yw podlediad?
C2 ar BBC iPlayer
Cyfle arall i glywed holl raglenni C2 o'r saith diwrnod diwethaf.
© MMIX