Llun ar gyfer Keith O'Brien - Tu hwnt i'r drws

Keith O'Brien - Tu hwnt i'r drws

Hyd: 02:22

"Sawl gwaith wnes i gerdded trwy'r drws ffrynt heb roi fawr o sylw i arwyddocad 1610...?"

Keith O'Brien sy'n datgelu beth yn gwmws yw arwyddocâd y dyddiad '1610' uwchben drws y gwesty yn Nhrawsfynydd...

Holi Keith O'Brien:

Ers faint ydych chi wedi bod yn byw yn Nhrawsfynydd?

Rwyf wedi byw ym mhentref Trawsfynydd ar hyd fy oes. Rwyf yn briod gyda dwy ferch. Cychwynais weithio fel plymar, nawr rwy'n Uwch Swyddog Adnewyddu i Gyngor Gwynedd.

Mae gennyf ddiddordeb mawr mewn datblygu cymunedau ac rwyf yn Gadeirydd ar gwmni cymunedol Traws-Newid yn y Traws ac yn Gadeirydd Is-bwyllgor Gwelliannau'r Cyngor Cymuned. Fy niddordebau yw hanes lleol, cerdded, ffotograffiaeth a'r gofod!

Beth yw pwnc eich stori?

Mae fy stori am hanes Sant a Merthyr o Drawsfynydd, sef St. John Roberts - un o'r 40 Merthyr Cymru a Lloegr a'r cysylltiad rhyngddo fe a mi. Cysylltiad agos mewn adegau gwahanol o'm bywyd cymdeithasol a gwaith a hynny'n yn ddiarwybod, oherwydd fod ei hanes yn anhysbys i lawer.

Pam fod hyn yn bwysig i chi?

Teimlais ers i mi "ail-ddarganfod" St. John Roberts ei bod yn ddyletswydd arnaf i godi ymwybyddiaeth am hogyn arall o Traws. Dyma ddyn wynebodd ei dynged fel gwron teilwng o hynafiaid bro ei enedigaeth. Fel Hedd Wyn, galwyd arno i wneud yr aberth fwyaf.

Sut aeth pethau yn y gweithdy?

Cefais brofiad bendigedig wrth wneud y stori ddigidol, roedd cyfeillgarwch ryfeddol rhwng pawb oedd yn cymryd rhan, a staff y BBC oedd yn ein hyfforddi. Dysgais sgiliau cyfrifiadurol newydd a chefais gyfle i ddatblygu fy nychymyg - edrychaf ymlaen yn fawr i'r gweithdy nesaf!

Ar gael ers: Gwen 9 Mawrth 2012

Daw'r clip hwn o

Cipolwg ar Gymru

Straeon digidol: ffilmiau byr personol gan Gymry. (Welsh digital stories).

Llun ar gyfer Cipolwg ar Gymru

BBC © 2014 Nid yw'r BBC yn gyfrifol am gynnwys safleoedd allanol.

Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.

Added. Check out your playlist Dismiss