Poetry Season

Local Navigation

Local Navigation

A Man's a Man for A'That by Robert Burns

Is there for honesty Poverty
That hings his head, an' a' that;
The coward slave-we pass him by,
We dare be poor for a' that!
For a' that, an' a' that.
Our toils obscure an' a' that,
The rank is but the guinea's stamp,
The Man's the gowd for a' that.

What though on hamely fare we dine,
Wear hoddin grey, an' a' that;
Gie fools their silks, and knaves their wine;
A Man's a Man for a' that:
For a' that, and a' that,
Their tinsel show, an' a' that;
The honest man, tho' e'er sae poor,
Is king o' men for a' that.

Ye see yon birkie, ca'd a lord,
Wha struts, an' stares, an' a' that;
Tho' hundreds worship at his word,
He's but a coof for a' that:
For a' that, an' a' that,
His ribband, star, an' a' that:
The man o' independent mind
He looks an' laughs at a' that.

A price can mak a belted knight,
A marquis, duke, an' a' that;
But an honest man's abon his might,
Gude faith, he maunna fa' that!
For a' that, an' a' that,
Their dignities an' a' that;
The pith o' sense, an' pride o' worth,
Are higher rank than a' that.

Then let us pray that come it may,
(As come it will for a' that,)
That Sense and Worth, o'er a' the earth,
Shall bear the gree, an' a' that.
For a' that, an' a' that,
That Man to Man, the world o'er,
Shall brothers be for a' that.

Print this poem

Related Video

Douglas Henshall

Celebrity choice

Douglas Henshall on why he loves Burns

Tags: hope, ideology, work

VOTE RESULTS >

The Nation's Favourite Poet

Related Links

BBC Robert Burns logo

BBC Robert Burns site

Paolo Nutini performs A Man's a Man for A'That.

BBC Off By Heart logo

BBC Off By Heart

Vernon Kay reads Burns' A Red, Red Rose (Flash).

The BBC is not responsible for the content of external sites.

BBC © 2014 The BBC is not responsible for the content of external sites. Read more.

This page is best viewed in an up-to-date web browser with style sheets (CSS) enabled. While you will be able to view the content of this page in your current browser, you will not be able to get the full visual experience. Please consider upgrading your browser software or enabling style sheets (CSS) if you are able to do so.