اوباما: (( موږ په هيڅ يوه هيواد د کوم ځانگړي حکومتي سيستم د تپلو په هڅه کې نه يو. خو موږ په دې هم باور لرو هغه ارښتونه چې موږ يې ملاتړ کوو يوازې د امريکا لپاره نه دي .))

دا اسيا ته د هغه د روان سفر وروستى پړاوو دى .

هغه دا مهال په شانگهاى کې له محصلينو سره په يوه بحث کې گډون کړى دى. سپينه ماڼۍ د بحث موخه د چين د راتلونکو مشرانو د اندېښنو اوېردل يادوي .

د شانگهاى د ساينس او تکنالوجۍ په موزيم کې جوړ شوى دغه بحث مخامخ د انټرنېټ له لارې هم خپريږي .

ښاغلي اوباما د چين او امريکا تر مينځه د ورته والي او توپيرونو په اړه د يوې پوښتنې په ځواب کې د بيان د ازادۍ په څير ارزښتونه داسې څه وبلل چې په وينا يې په ټوله نړۍ کې شريک دي :

(( موږ په هيڅ يوه هيواد د کوم ځانگړي حکومتي سيستم د تپلو په هڅه کې نه يو. خو موږ په دې هم باور لرو هغه ارښتونه چې موږ يې ملاتړ کوو يوازې د امريکا لپاره نه دي .

زموږ په باور د بيان او مذهب ازادۍ ، اطلاعاتو ته لاس رسى او سياسي مشارکت نړيوال حقونه دي . دغه حقونه بايد د قومي او مذهبي لږکيو په گډون ټولو ته حاصل وي. که دا په امريکا کې وي که په چين او يا کوم بل هيواد کې .))