په 2007 کال کې د ويښتابه ډله تر يوه بريده له الانبار نه د القاعدې د ورکولو په برخه کې بريالۍ وه .

پوليس وايي وسله والو د عراقي پوځ په يونيفورم کې ورغلي او ډزې يې پيل کړې دي .

د سرچينې په وينا په وژل شويو کې د پنځو تنو سرونه غوڅ شوي دي .

په سيمه کې يوه چارواکي ويلي وسله والو ګهيځ مهال لومړی پر يوه کور بريد کړی او د الزوبع کورنۍ شپږ کسه يې وژلي او بيا يې پر ولاړو لاريو بريد کړی .

رپوټونه وايي وسله والو تر هغه وروسته په سيمه کې د شيخ عطاء الله الشکر کور ته د تلاشۍ په پلمه ننوتي او د هغه درې زامن او څلور د تره زامن يې له کاله بهر وژلي دي .

وسله وال له بريد وروسته په تېښته بريالي شوي، خو ويل کېږي چې سيمه امريکايي او عراقي پوځيانو کلابنده کړې ده او د لټون هڅې يې روانې دي .

د ويلو ده چې د الشکر کورنۍ، چې په سيمه او الزوبع قام کې ډېره تيت او نفوذ هم لري، له لومړيو هغو کسانو ده چې د القاعدې ډلې پرضد يې د ويښتابه له ګوند سره لاس يوکړی دی .

د سيمې يوشمېر اوسېدونکي ټينګار کوي چې د الشکر کورنۍ وړاندې ګڼ وسله وال وژلي ښايي دا له دوی نه هماغه غچ اخيستل وي .

په عراق کې د ويښتابه ډله چې د سني عربو له قامونو لومړی د ٢٠٠٦ د سپتمبر په نيمايي کې الانبار کې جوړه شوه، چې موخه يې په عراق کې د القاعدې او نورو ترهګرو ډلو ځپل وو .

په ٢٠٠٧ کال کې د ويښتابه ډله تر يوه بريده له الانبار نه د القاعدې د ورکولو په برخه کې بريالۍ وه .