د محمد مدافع وکيلانو ويلي چې نوموړی د خليج د جګړې پرمهال ناروغه شوی دی .

د جان الن محمد د زندان يوه وياند لاري تريلر وويل محمد د خپل عمر په وروستيو شېبو کې هېڅ نه ويل .

پر محمد تور و چې ٢٠٠٢ کال کې يې درو اوونيو کې لس کان وژلي وو .

٤٨ کلن محمد له دې امله چې ګني دماغي ناروغي لري، د استيناف محکمې د ځنډولو غوښتنه کړې وه .

نوموړي ويلي وو چې په خليج کې د امريکايي جګړې د ماموريت پرمهال دا ناروغي ورته پيدا شوې ده .

خو د ويرجينيا ايالت والي بيا د استيناف محکمې غوښتنه رد کړه .

نوموړي د چهارشنبې په ګهيځ د ګرينويچ پروخت دوه بجې او يوولس دقيقې زهرجنه پيچکاري ورکړل شوه او ومړ .

د امريکا سترې محکمې د تېرې دوشنبې په ورځ د محمد د اعدام د پرېکړې غوښتنه رد کړې وه .

محکمې د محمد د يوه ملګري دين هارلورد ميرز د اعدامولو امرهم کړی، چې له محمد سره د وژنو په پېښو کې شريک وو .

همدارنګه له ده سره لي بويډ مالوو هم د وژنو په تور مجرم بلل شوی، له دې امله چې نوموړی د بريدونو پرمهال ١٧ کلن و، محکمې يې د عمري بند امر کړی دی .

د محمد مدافع وکيلانو ويلي چې نوموړی د خليج د جګړې پرمهال ناروغه شوی دی .

جنتن شيلدون ويلي د ډاکټرانو له ازمېښت وروسته په ډاګه شوه، چې نوموړی دوه ډوله دماغي ناروغۍ لري .