اوباما ويلي چې : ''د توکم موضوع زموږ په ټولنه کې يوه بابېزه مساله ده، چې له ډېره وخته ترېنه خلک کړېږي . ''

ښاغلي اوباما له ' اې بي سي ' تلويزيون سره په يوه ثبت شوې مرکه کې رد کړه چې دغه نژادي تبعيض دې د روغتيايي اصلاحاتو په اړه د ده کلکو نيوکو پايله وي :

'' هغه څه چې ما په خپل انتخاباتي کمپاين کې ويلي وو چې ايا داسې کسان شته چې هغوى دې ما د نژاد له امله نه خوښوي؟ زه مطمين يم چې شته . او آيا داسې کسان هم شته چې ماته دې يوازې د نژاد لپاره رايه راکړي وي؟ ښايي يو شمېر داسې هم وي .''

د اوباما دغه څرګندونې وروسته له هغه په ډاګه شوې، چې تېره اوونۍ کارتر ويلي وو چې په امريکا کې توکم د روانو روغتيايي اصلاحاتو په برخه کې ډېر رول لري .

خو ولسمشر اوباما ټينګار کوي چې د پخواني ديموکرات ولسمشر جيمي کارتر له دې څرګندونو سره موافق نه دی .

اوباما ويلي چې : ''د توکم موضوع زموږ په ټولنه کې يوه بابېزه مساله ده، چې له ډېره وخته ترېنه خلک کړېږي . ''