د مصري قانون له مخې، ولسمشر ته د سپکاوي سزا درې کاله بند دی .

منير سعيد حنا د محکمې له خوا په درو کلونو بند محکوم شوی دی .

نوموړی يو حکومتي مامور هم دی .

د ښاغلي حنا يوه ملګري ويلي چې حنا د ملنډو يوه قصيده ويلې، چې د ولسمشر حسني مبارک سپکاوی يې کړی دی .

دی وايي چې د نوموړي موخه له دې کاره له خپلو ملګرو سره ساتېری او ټوکې وې، خو هدف يې هېڅکله د چا سپکاوی نه و .

د العربيه د بشري حقونو ټولنې ويلي د نوموړي د بند د پرېکړې په اړه به پلټنه وکړي .
دغې ټولنې ويلي حنا حق لري خپل مدافع وکيل وټاکي .

د حنا کشري ورور ويلي چې ورور حنا يې په دې وروستيو کې شعر ويلو ته مخه کړه، هغه هم د هغه د ملګرو له خوا هڅول شوی و .

د مصري قانون له مخې، ولسمشر ته د سپکاوي سزا درې کاله بند دی .

که څه هم دغه خبر مصري رسنيو خپور کړی، خو د نوموړي شعر يې نه دی راخيستی .