په عراق کې له امريکايي پوځيانو سره د جوبايډن يادګاري عکس

ښاغلي بايډن دغه څرګندونې په امريکا کې له اي بي سي تلوېزيوني چينل سره کړې دي .
نوموړي ويلي چې امريکا نه شي کولی چې يوه خپلواکه هېواد ته ووايي چې دا وکړه او دا مه کوه .

جوبايډن د پوښتنې په ځواب کې، چې که چېرې د امريکا متحده ايالتونه د اسراييلو په لاره کې تيږه کېږدي او لار يې بنده کړي؟ درې ځلې په ټينګار سره وويل چې اسراييل يو خپلواک هېواد دی او د خپلې ګټې په خاطر په خپله پرېکړه کولی شي .

همدارنګه، نوموړي ويلي چې له ايران سره د خبرو اترو دورازه، چې ولسمشر بارک اوباما پرانيستې وه، اوس هم خلاصه ده، خو ايران بايد د خبرو اترو پوښتنې ته ژر ځواب ووايي .

د امريکا ولسمشر بارک اوباما د خپل ټاکنيز کمپاين پرمهال ژمنه کړې وه، چې له ايران سره به خبرې اترې کوي