ښاغلی داګان د اسراييلو د ځانګړي پوځ يو پخوانی متقاعد جنرال دی .

دا اتم کال دی، چې ښاغلي داګان د اسراييلو د څارګرې ادارې مشري پر غاړه لري.

ښاغلی داګان د اسراييلو د ځانګړي پوځ يو پخوانی متقاعد جنرال دی .

د نوموړي دنده پرته له دې چې د وزيرانو شورا يې تصديق کړي، حکومت غځولې ده .

د اسراييلو د امنيتي سرچينو له مخې، ٦٤ کلن داګان د ايران د اټومي پروګرام د شنډولو په برخه کې هم ډېرې هلې ځلې کړې دي .

د اسراييلو د لومړي وزير بنيامين نتنياهو د يوه مرستيال له خولې نقل شوي، چې داګان د موساد لپاره تر ټولو غوره ريس دی .

د اسراييلو پخواني لومړي وزير ارييل شارون په ٢٠٠٢ کال کې د خپلې واکمنۍ پرمهال ښاغلی داګان د موساد ريس وټاکه، چې د ښاغلي شارون له نژدې ملګرو څخه دی .

د تېرې جمعې په ورځ د معاريف ورځپاڼې ليکلي وو، چې ښاغلی داګان تېره اوونۍ د ايران په اړه قهرېدلې ويناوې کړې وې .

داګان په يوه خبري ناسته کې ويلي وو چې ايران به د ٢٠١٤ کال ترپايه دا وړتيا ومومي، چې اټومي ازموينه وکړي .

نوموړي ويلي وو که چېرې پر تهران نور بنديزونه ونه لګول شي، ښايي د خپلې اټومۍ انرژۍ په برخه کې زيات پرمختګونه وکړي او نوې حساسه ټيکنالوجي ترلاسه کړي .