په تېرو درېيو مياشتو کې د امريکا له خوا د پاکستان پر قبايلي سيمو شاوخوا ٢٠ هوايي بريدو نه شوي, چې د امريکا په وينا په کې د طالبانو لسگونه مشران وژل شوي دي .

پاکستانۍ چارواکو ويلي چې په وژل شويو کې دوه کسان بهرنيان دي .

د ويلو ده چې د امريکا هوايي بريدونو د شاوخوا ١٠٠ کسانو ژوند اخيستى، چې ډېرى يې د پاکستان په قبايلي سيمو کې بې گناه ولسي وگړي دي .

په پاکستان کې د امريکا بريدونو د پاکستانيانو اندېښې زياتې کړې، چې د شنونکو په وينا ورځ تر بلې له امريکا سره د پاکستانيانو کينه مخ پر ډېرېدو ده .

د پاکستان حکومت وايي چې يو اړخيزه دي، چې افغان پولې ته څېرمه د پاکستان په قبايلو سيمو کې ترسره کېږي .

د پاکستان يوۀ امنيتي چارواکي، چې د نامۀ له اخيستلو يې ډډه کړې، ويلي چې د امريکا په وروستي هوايي بريد کې يو قبايلي مشر هم وژل شوى دى .

بنو ښار د افغانستان پولې ته څېرمه د شمالي وزيرستان پر وروستۍ څنډه کې پروت دى، چې د ډېرى په وينا دا د القاعده او طالبانو لپاره ښه پټن ځاى دى .

د امريکا دغه سياست د پاکستان د سيادت لپاره د اندېښنې وړ دى او له دې سره د ولس کينه لانوره هم زياتېږي   زرداري

خو دا لومړى ځل دى، چې امريکا د پاکستان پر قبايلي سره سربېره پر ښارونو هم هوايي بريدونه کوي .

تر دې وړاندې د تېرې جمعې په ورځ په شمالي وزيرستان کې د توغندي په بريد کې اته وسله وال کسان و‎ژل شوي ول .

دا په داسې کال کې ده چې د پاکستان ولسمشر علي اصف زرداري د امريکا له ټاکل شوي ولسمشر بارک اوباما غوښتي وغوښتل، چې په قبايلي سيمو کې د امريکا په ستراتيژۍ کې بدلون راولي .

زرداري له يوۀ تلوېزيون سره په مرکه کې ويلي وو چې : '' د امريکا دغه سياست د پاکستان د سيادت لپاره د اندېښنې وړ دى او له دې سره د ولس کينه لانوره هم زياتېږي . ''

په تېرو درېيو مياشتو کې د امريکا له خوا د پاکستان پر قبايلي سيمو شاوخوا ٢٠ هوايي بريدو نه شوي, چې د امريکا په وينا په کې د طالبانو لسگونه مشران وژل شوي دي، خو ځايي خلک وايي چې په بريدونو کې ډېرى ولسي وگړي وژل شوي .