BBC navigation

د بوټو زوی سیاست غواړي

د خپريدو وخت: 10:15 گرینویچ - جمعه 28 ډسمبر 2012 - 08 مرغومی 1391

بلاول بوټو اوسنۍ پاکستاني اداره د خپلې مور د وژنې ددوسیې په څېړلو کې پاتې وبلله.

پاکستان کې د مخکنۍ وژل شوې لومړۍ وزیر بې نظیر بوټو د وژل کېدو پنځم تلین ولمانځه.

د پاکستان پیپلز ګوند سلګونه کسان په سین ایالت کې د بوټو کورنۍ د اوسېدو سیمه کې راغونډ شوي وو.

بې نظير بوټو د ۲۰۰۷ کال د ټاکنیز کمپاین پرمهال ووژل شوه.

راغونډو شوو خلکو ته د بې نظیر بوټو زوی بلاول بوټو وویل، غواړي چې د خپل پلار ترڅنګ سیاسي ډګر ته ځان داخل کړي.

۲۴ کلن بلاول وویلي، د خپلې مور او بابا ذوالفقار پر ګامونو بل پل کېږدي او د هغوی تګلاره به عملي کړي.

ذوالفقار علي بوټو د پیپلز ګوند بنسټګر و.

بلاول بوټو اوسنۍ پاکستاني اداره د خپلې مور د وژنې ددوسیې په څېړلو کې پاتې وبلله.

د لندن له اکسفورډ پوهنتون څخه دغه فارغ شوي ځوان وویل: "زه د بې نظير بوټو زوی یم، د خپلې مور د وژنې لامل غواړم، او قاتلین یې باید معلوم شي."

که څه هم د آغلې بوټو تر وژل کېدا وروسته د پاکستاني طالبانو د هغه وخت پر مشر بیت الله مسید د هغې د وژل کېدو پړه واچوله شوه، خو ښاغلي مسید د ۲۰۰۹ په اګست کې د امریکايي څارګرو الوتکو په برید کې له وژل کېدا مخکې دا تور رد کړ.

د پاکستان پولیسو د بوټو په وژنه کې پنځه تورن کسان نیولي.

د پاکستان د پیپلز ګوند چې بلاول یې هم غړی دی، او عالي قضایه ارګان ترمنځ د فساد پر سر د تور له کبله اړیکي ترینګلي شوي دي.

ولسمشر زرداري د تېرې پنجشنبې په ورځ د سیند په جوړو شوو مراسمو کې وویل، چې د خلکو ګوند (پیپلز پارټي) د راتلونکو ټاکنو لپاره د شفافې فضا رامنځ ته کولو هلې ځلې کوي.

د بوټو تر وژل کېدا وروسته، زرداري خپل زوی د پیپلز ګوند مشر وټاکه، او خپل ځان یې هم د ګوند د مشرانو له ډلې بللی و.

خو لومړی وزیر راجا پروېزر اشرف بیا ټینګار وکړ، چې بلاول به د پاکستان په سیاست او دیموکراسۍ کې مهم رول ولوبوي.

د پاکستان د اوسني حکومت د واکمنۍ دوره تر پنځو کالو وروسته په راتلونکې مارچ کې پای ته رسېږي.

د قانون له مخې به ټاکنې کېږي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .