اردوغان تېره اوونۍ اعلان وکړه چې د دیکتاتورانو پېر په ختمېدو دی.
د ترکیې ولسمشر رجب طيب اردوغان ویلي هېواد یې د سوریې یوه په وسلو بار بېړۍ نیولې ده.
په دې وروستیو کې د سوریې او ترکیې ترمنځ اړیکي ترینګلي شوي دي.
ترکي ولسمشر د هېواد له سمندري سرحده به سوریې ته د هېڅ راز وسلو او یا هغو بېړیو تېرېدو ته اجازه ورنه کړي، چې وسلې پکې بار او سوریې ته وړل کېږي.
نوموړي دا هم ویلي چې د خپل هېواد هوايي حریم ټینګه ساتنه به وکړي.
خو اردوغان چې دا مهال په نیویارک کې د ملګرو ملتونو په عمومي غونډه کې دی، د نیول شوې بېړۍ دقیق ځای او وخت په ډاګه نه کړ.
د ویلو ده چې د ترکیې ولسمشر په وار- وار له تېرو شپږ میاشتو راهیسې له سوله ییزو لاریون کوونکو سره د سوري چارواکو پر کړنو سختې نیوکې کړې.
نوموړي د لاریون کوونکو پروړاندې د ولسمشر بشارالاسد د نظام کړنې وحشیانه بللې دي.
اردوغان تېره اوونۍ اعلان وکړه چې د دیکتاتورانو پېر په ختمېدو دی.
د تماس پرېکول
د ترکیې اناضول خبري اژانس په نیویارک کې د ولسمشر اردوغان په حواله ویلي:''ترکیې یوه داسې په وسلو بار بېړنۍ نیولې، چې د سوریې بیرغ یې پر سر رپېده. که چېرې سوریې ته د ځمکې او هوا له لارې په لېږدېدونکو وسله خبر شو، ارومرو به یې مخه ونیسو. ''
د تېرې اوونۍ په وروستیو کې اردوغان خبریالانو ته وویل، ترکیه دا مهال له هېڅ کوم سوري چارواکي سره تماس نه لري، او پر دمشق یې د لانورو بندیزونو لګولو د احتمال امکان په ډاګه کړ.
ترکیه د روانې میاشتې په لومړیو کې د سوریې د واکمن نظام د ټلوالې د مشرتابه د کنفرانس کوربنه هم وه.
~RS~a~RS~pashto~RS~q~RS~~RS~z~RS~48~RS~){kind=small}
