سوري پوځ د کډوالو په کمپ ډزې کړې

د خپريدو وخت: 10:44 گرینویچ - دوشنبه 09 اپریل 2012 - 21 وری 1391

د ترکیې د بهرنیو چارو وزارت ویاند وايي چې پر سوري-ترکي پوله سوري ځواکونو د سوري کډوالو پر مېشت ځای (کلیس) ډزې کړې دي.

بل خوا، چین له سوریې غوښتي چې د نړیوالو د سولې پلان ته غاړه کښېږدي.

چین دا غوښتنه داسې مسکو ته د سوریې د بهرنیو چارو د وزارت ولیدالمعلم له سفر سره هم مهاله کړې دي.

د سولې د پلان د کامیابۍ په اړه هغه مهال شکونه راپورته شول، چې دمشق له ټلوالې د سولې په تړاو د لیکلي ضمانت غوښتنه وکړه.

خو مخالفې ټلوالې د سوري حکومت دا غوښتنه رد کړه.

بل خوا، په دوشنبه یوه روسي دپلومات وویل، مسکو له دمشق سره د اوربند پر چاره کار کوي او له ټلوالې سره یې هم خبرې پیل کړې دي.

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .