عبدالله ستانکزی له کابله

	کميسيون وايي له سولې سره د يو ځاى کېدو په بدل کې دغو کسانو د دوى د سر او مال د خوندي کېدو لپاره يوازې يوه ضمانت پاڼه ورکول کېږي نه نور امتيازات .

چارواکي وايي د سولې له بهير سره ددغو يوځاى شويو ډېره برخه د حزب اسلامي غړي دي .

د سولې له بهير سره يوځاى شوي د غزني ،لوگر، کاپيسا، ننگرهار او ميدان وردگو ولايتونو دي .

د دغه کمېسيون وياند شريف يوسفي وايي له بهير سره يو ځاى شويو کې د مخالفينو ځايي قومندانان هم شامل دي او خپلې سپکې او درنې وسلې يې هم کمېسيون ته سپارلي دي .

ښاغلى يوسفي وايي د سولې له بهير سره يو ځاى شويو بشپړ ډاډ ورکړى چې وروسته له دې به د حکومت پر ضد وسله پورته نه کړي .

دى وايي دغه کسان پرته له مادي امتيازه د ځايي سپن روبو او د کميسيون د هلو ځلو پر مټ د حکومت پر ضد له مبارزې لاس اخيستى دى :

'' زموږ د کمېسيون ستراتيژي دا نه ده چې يوه کس ته د سولې له بهير سره د يو ځاى کېدو په بدل کې د پيسو معامله وکړو، يوازې د دوى ځينو ته د لارې کرايه چې هغه هم له يونيم زر افغانيو نه ډېرېږي ورکوو، او په مقابل کې د دوى ځينې کسان له خپلو ځانونو سره وسلې هم سپاري چې په تور بازار هغه له څلوېښت زرو نيولې تر سل زره افغانيو پورې قيمت لري، موږ د دغو وسلو قيمت هم نه ورکوو .''

	وسله والو طالبانو ويلي دوى د اسلامي روحيې پر بنسټ جنگيږي نه د پيسو لپاره دوى ويلي تر هغه چې بهرنيان په افغانستان کې وي خپلې مبارزې ته به دوام ورکوي .

کميسيون وايي له سولې سره د يو ځاى کېدو په بدل کې دغو کسانو د دوى د سر او مال د خوندي کېدو لپاره يوازې يوه ضمانت پاڼه ورکول کېږي نه نور امتيازات .

دغه کسان پر داسې مهال د سولې له بهير سره يو ځاى کېږي چې په دې وروستيو کې د امريکا متحده ايالاتو د طالبانو له ليکو نه د دوى د يو شمېر ملگرود را اړولو لپاره يوه کړنلاره جوړه کړې .

د کړنلارې له مخې هغو کسانو ته چې د افغان حکومت پر خلاف له جگړې لاس اخلي پيسې ورکول کيږي .

خو وسله والو طالبانو ويلي دوى د اسلامي روحيې پر بنسټ جنگيږي نه د پيسو لپاره دوى ويلي تر هغه چې بهرنيان په افغانستان کې وي خپلې مبارزې ته به دوام ورکوي .

د سولې د ټينگښت کمېسيون پر وينا تراوسه څه د پاسه اته زره وسله وال مخالفين له دغه کمېسيون سره سسيوځاى شوي دي .