د پېښور د پوليسو مشر شعيب زاده انيس خبريالانو ته ويلي چې په دې بريد کې دوه پوليس، درې ښځې، درې ماشومان او درې نارينه وژل شوي دي .

بريد د پېښور پشتخرې د تلاشۍ مرکز ته څېرمه شوی، چې په پکې يوولس تنه وژل شوي او تر شلو ډېر نور ټپيان دي .

دا د تېرې يوې اوونۍ په اوږدو کې پېښور کې پنځم مرګونی بريد دی .

پوليس وايي بريد له چاودېدونکو توکو د يوه ډک ګاډي په وسيله شوی .

د بريد عکسونه دلته وګورئ

د پېښور د پوليسو مشر شعيب زاده انيس خبريالانو ته ويلي چې په دې بريد کې دوه پوليس، درې ښځې، درې ماشومان او درې نارينه وژل شوي دي .

د پاکستاني طالبانود مشر حکيم الله مسعود يوه تن وياند رسنيو ته ويلي چې دوی به د پاکستان په څلورو سترو ښارونو (اسلام اباد، پېښور، لاهور او راولپنډۍ) کې خپل بريدونه جاري وساتي .

وياند زياته کړې تر هغه به خپل بريدونه کوي، چې جنوبي وزيرستان کې د امريکا په ملاتړ پاکستاني پوځ خپل چاڼيز عمليات نه وي بند کړي .

	د تېرې شنبې په ورځ د پاکستان د کورنيو چارو وزير رحمن ملک ويلي وو چې پوځ نژدې دی، چې خپله بريا اعلان کړي او د پاکستان ولس ته يو ښه خبر واوروي، هغه دا چې جنوبي وزيرستان به له وسله والو پاک کړي .

رويټرز خبري اژانس د پاکستاني طالبانو د يوه غړي قاري حسين مسيد له خولې ليکلي چې : ((موږ به د هېواد په نورو سيمو کې هم ورته بريدونه پيلوو .))

ويل کېږي چې قاري حسين مسيد د پاکستاني طالبانو تحريک کې د ځانمرګو بريد کوونکو سنبالوونکی دی .

وړمه ورځ هم پېښور د يوه خونړي بريد شاهد و .

بل خوا پاکستاني پوځ ويلي چې په تېرو څلريشتو ساعتونو کې يې جنوبي وزيرستان کې اووه وسله وال طالبان وژلي او د دوی څلور پوځيان ټپيان شوي دي .

پوځ په اورکزيو قبايلي سيمه کې د هوايي ځواکونو په بريدونو کې د لسو نورو وسله والو د وژل کېدو ادعا هم کوي .

همدارنګه زياتوي چې د سوات توته کان کلي ته څېرمه پر پوځي چاوڼۍ وسله والو بريد کړی، چې په ځوابي ډزو کې پنځه وسله وال وژل شوي .

د تېرې شنبې په ورځ د پاکستان د کورنيو چارو وزير رحمن ملک ويلي وو چې پوځ نژدې دی، چې خپله بريا اعلان کړي او د پاکستان ولس ته يو ښه خبر واوروي، هغه دا چې جنوبي وزيرستان به له وسله والو پاک کړي .