اندونيزيا ويلي چې له نيول شويو افغانانو يې پلټنې پيل کړې دي .

د پوليسو يوه جګپوړي افسر وويل چې دا بېړۍ يې د اندونيزيا په جنوب کې نيولې ده .

سرچينه زياتوي چې دوو افغانانو چې د تېښتې هڅه يې کوله، په ډزو ويشتل شوي او ټپيان دي .

د پوليسو په وينا له دواړه ټپيان تر درملنې لاندې دي او له نورو نه پلټنې روانې دي .

خپله د اندونيزيا درې تنه وګړي هم د انسانانو د قاچاق په تور نيول شوي دي .

د روان کال اپرېل مياشتې په لومړيو کې د پاکستان له لارې ايران ته قاچاق کېدونکي لسګونه افغانان د پاکستان په کوټه کې کانتينرونو کې کنډ کپر وموندل شول، چې ځينې يې له وړاندې مړه شوي ول .

قاچاق کوونکي له اندونيزيا نه د يوې ترانزيتي لارې په توګه کار اخلي او ډېری هغه کسان چې له جګړو ځپلو هېوادونو لکه افغانستان، سريلانکا نه اروپايي هېوادونو ته ، د اندونيزيا له لارې چاقاق کېږي .

ملگرو ملتونو وړاندې ويلي وو چې د سوېلي اسيا هېوادونه د نړۍ هغه برخه ده چې د انساني قاچاق سرچينې په کې تر بل هرځاى ډيرې فعاله دي .

دا هغه هېوادونه دي چې خلک يې له بېوزلۍ او تاوتريخوالي او جگړو څخه ځوريږي .

افغانستان، پاکستان، بنگله ديش او نيپال هغه هيوادونه دي چې د بې وزلۍ سره سره يې ډير خلک يې په يو نه يو ډول د بشري تيريو قربانيان پاتې شوي دي .

په افغانستان کې د ٣٠ کلونو راهيسې روان تاوتريخوالي ، بې وزلۍ او د روزگار نشتوالي ډير ځوانان دېته اړ کړي دي چې بهرنيو هيوادونو ته د روزي د گټلو لپاره سفر وکړي.

شميرې ښيي چې دغه ډول کسان بيا د انساني قاچاق د مافيا لاسته لوېږي او په داسې لارو يې په ناقانونه توگه د نړۍ نورو هېوادونو ته اړوي چې ډېرې له خطره ډکې دي .

ملگري ملتونه وايي چې په ټولو هغو هيوادونو کې چې خلک يې د انساني قاچاق قربانيان پاتې شوي دي بايد ددغې مافيا په وړاندې ټوليزې منډې ترړې پيل شي .