رحمان الله له پېښوره

	چاودنې د استخباراتو آی اېس آی درې پوړيزه ودانۍ ته سخت زيان اړولی او ګڼ ګاډي يې هم له منځه وړي دي .

بل خوا د پېښور په جنوبي ولسوالۍ بنو کې هم ځانمرګي د پوليسو تهاڼه په نخښه کړې، چې درې پوليس پکې وژل شوي دي .

چاودنه نن سهار شپږ نيمې بجې د پېښور پوځي استخباراتو په دروازه کې شوې ده .

د پېښې په ځای کې د صوبه سرحد د اطلاعاتو وزير ميان افتخار حسين خبريالانو ته وويل په چاودنه کې نهه تنه وژل شوې او تر ٥٠ ډېر نور ټپيان شوي دي .

نوموړي وويل پېښور کې ډېرې چاودنې ښايي جنوبي وزيرستان کې د طالبانو پرضد عملياتو غچ اخيستل وي .

پوليس د استخباراتو ترڅنګ يوه امنيتي پوسته ده، پر ځانمرګي بريدکوونکي استخباراتي ادارې ته د ننوتو پرمهال د ودرېدو غږ او ډرې شوې، خو هغه له چاودېدونکو توکو خپل ډک ګاډی چوولی دی .

رپوټونه وايي د پېښې زياتره قربانيان ولسي وګړي دي .

په تېر کې هم په تېره مۍ مياشت کې لاهور کې د استخباراتو پر يوه مرکز ورته بريد شوی و، چې له امله يې ٢٤ کسه وژل شوي ول .

چاودنې د استخباراتو آی اېس آی درې پوړيزه ودانۍ ته سخت زيان اړولی او ګڼ ګاډي يې هم له منځه وړي دي .

ويل کېږي دا د پېښور تر ټولو خوندي ځای او د چاودنې ځای ته څېرمه د صوبه سرحد د اعلی وزير اميرحيدرخان هوتي او د سرحد ايالت د والي اويس احمدخان کورونه دي .

	په پاکستان کې د بمي بريدونو له امله سلگونه تنه وروسته له هغې چې پوځ يوه مياشت وړاندې په سويلي وزيرستان کې د طالبانو په وړاندې عمليات پيل کړل وژل شوي دي .

څو مياشتې وړاندې هم د پېښې ځای تره نژدې د پېښور پر ترټولو مشهور پنځه ستوريز هوټل ځانمرګی بريد شوی و، چې درنه مرګ ژوبله يې درلوده .

د ويلو ده چې په تېره يوه اوونۍ کې پېښور کې دا څلورمه مرګونې چاودنه ده .

بنو

همداشان د پاکستان بنو ښار کې د پوليس پر مرکز هم ځانمرګی بريد شوی دی .

يوه ځانمرګي بريدکوونکي د بکاخېل په سيمه کې د پوليسو يوې پوستې سره د چاودېدنکو توکو ډک ګاډی جنګولی چې د چارواکو په وينا پکې درې پوليس وژل شوي او تر شلو ډېر نور ټپيان دي .

د بنو د پوليسو مشر حميدخان ويلي چاودنې د بکاخېل پوليسو تهاڼې ته سخت زيان هم اړولی دی .

بنو د پاکستان قبايلي سيمې جنوبي وزيرستان ته نژدې سيمه ده .

په پاکستان کې د بمي بريدونو له امله سلگونه تنه وروسته له هغې چې پوځ يوه مياشت وړاندې په سويلي وزيرستان کې د طالبانو په وړاندې عمليات پيل کړل وژل شوي دي .

پېښور د دغو بريدونو ځانگړى هدف گرځېدلى .