هميم جلالزی له کابله

	مجددي: (( ما څو څو ځله د افغانستان دوستانو، نړيوالو ځواکونو او هغو کسانو ته چې غواړي نن د ترهګرۍ پر وړاندې وجنګېږي ويلي دي خو دوی تر نن ورځې پورې عملي ګامونه نه دي اخيستي . ).

دی وايي بهرنيان غواړي په دې ډول په افغانستان کې د خپلو پاتې کېدو لپاره لاره هواره کړي .

د ستراتيژيکو څېړنو مرکز
خو د ولسي جرګې مشر بيا حکومت ته وړانديز کړی چې د هېواد دروان کړکېچ د هواري د لارو د موندلو لپاره د ستراتيژيکو څېړنو يو مرکز جوړ کړي .

دا لومړی ځل دی چې د افغانستان يو لوړ پوړی دولتی چارواکی پر نړيوالو ځواکونو تور پوري کوي چې نه غواړي افغانستان له ترهګرۍ څخه خلاص شي.

د افغانستان د مشرانو جرګې مشر حضرت صبغت الله مجددي چې د سناتورانو او وکيلانو په يوه غونډه کې يې خبرې کولې وويل ده په کراتو مراتو نړيوالو ځواکونو ته د ترويزم د عواملو او څرنګوالي په اړه خبرې کړې خو هغوی تر دې مهاله کوم ګام نه دی اخيستی :

(( ما څو څو ځله د افغانستان دوستانو، نړيوالو ځواکونو او هغو کسانو ته چې غواړي نن د ترهګرۍ پر وړاندې وجنګېږي ويلي دي خو دوی تر نن ورځې پورې عملي ګامونه نه دي اخيستي . يا خو دوی نه غواړي چې له افغانستان څخه دترهګرۍ ټغر ټول شي اوپه افغانستان کې د بهرنيو ځواکونو د پاتې کېدلو لپاره يوه پلمه جوړوي . او کومه بله خبره ده چې دوی نور داسې پلانونه لري چې موږ پرې نه پوهېږو.))

	د ولسي جرګې مشر يونس قانوني بيا د افغانستان د روان کړکېچ د ختمولو لپاره پر پوهنيزو او اکاديميکو لارو چارو باندې ټينګار کوي .

ښاغلي مجددي زياته کړه چې افغان حکومت هم، د ترهګرو پر وړاندې نرم چلند لري نو ځکه په هېواد کې د جرمونو کچه لوړه ده .

د ولسي جرګې مشر يونس قانوني بيا د افغانستان د روان کړکېچ د ختمولو لپاره پر پوهنيزو او اکاديميکو لارو چارو باندې ټينګار کوي .

هغه هم يادې شوې غونډې ته د وينا پر مهال حکومت ته وړانديز وکړ چې د ستونزې د هواري د لارو چارو د موندلو لپاره يو څېړنيز مرکز جوړ کړي :

زه وړانديز کوم چې راتلونکی افغان حکومت د ستراتيژيکو څېړنو يوه اداره جوړه کړي، دغه اداره به نه يوازې د افغانستان دارو په چوکاټ کې بلکې له تجربه لرونکو او اکاډيميکو شخصيتونو څخه دې جوړ شي چې د افغانستان پر بحران باندې په اکاډيميک ډول بحث وکړي او د افغانستان لپاره داسې طرحې جوړې کړي چې موږ له دغو تجربو څخه په ګټنې سره پرمخ ولاړ شو. ))

ده وويل چې د افغانستان د ستونزې په هواري کې بايد د هغو هېوادونو له تجربو څخه هم ګټه واخيستل شي چې له ورته ستونزو سره مخامخ و اوس ترې را وتلي دي .

دا مهال داسې انګېرل کېږي چې د راتلونکي افغان حکومت پر وړاندې تر ټولو ستره ننګونه د طالبانو او نورو مخالفينو له لوري د جګړې اوږدول او د نااراميو زياتولی دی .

همدغه ټکي ته په پام سره ولسمشر حامد کرزي تېره ورځ په استانبول کې د افغانستان د شخړې د هواري لپاره د اسلامي هېوادونو مرسته وغوښته .