د تېر اکتوبر په وروستيو کې هم پېښور کې ځانمرګی بريد شوی، چې تر سلو ډېر کسان يې ووژل .

په وژل شويو او ټپيانو کې د ولسي وګړو سربېره پوليس هم شامل دي .

په چاودنه کې يوشمېر ګاډي هم ويجاړ شوي دي .

پوليس وايي دا ځانمرګی بريد و، چې د متني سيمې په اديزيو کې شوی دی .

سرچينه وايي د بريد هدف د يادې شوې سيمې پر يوه مشر عبدالمالک و، کله چې دی له خپله کوره راووت چاودنه وشوه .

رپوټونه وايي بريد د يوه مازدا ډوله ګاډي په وسيله شوی، چې پنځه کسان پکې سپاره ول .

له بريد وروسته پوليسو سيمه کلابنده کړې ده، ټپيان او مړي روغتون ته لېږدول شوي .

د پوليسو په وينا، په عبدالمالک په چاودنه کې سخت ټپي شوی دی .

له بريد وروسته د پاکستاني طالبانو تحريک وياند عمر ويلي چې بريد د دوی يوه کس کړی .

نومو ړي زياته کړې له دې امله يې عبدالمالک په نښه کړ، چې د پاکستاني طالبانو پرضد يې ملېشه جوړوله .

بريد داسې مهال شوی، چې په جنوبي وزيرستان کې د پاکستان پوځ د اورپکو او القاعده غړو په چاڼيزو عملياتو بوخت دی .