بي بي سي پښتوټکی کام کابل

	و لسمشر اوباما له بريده وروسته په خپل غبرګون کې د بريد له قربانيانو او امريکايي سرتېرو سره خواخوږي څرګنده کړه .

د دغه پوځي مرکز قومندان، ډگر جنرال باب کاونى وايي مشکوک بريدگر جگړن نيدال ماليک حسن دى،چې په خپله يو پوځي ارواه پوه و.

ويل کېږي چې بريد کوونکى ژوبل شوى او لا هم ژوندى دى.
وړاندې پوځ د دهغه د وژلو خبر ورکړى و.

چارواکو د دغه وسله وال بريد د ممکنه علت د راڅېړلو خبره رد کړې ده،خو د بريد کوونکي يوه پخواني ملگري ويلي، چې ښاغلى حسن په افغانستان او عراق کې د امريکا د پوځي ښکلېتيا له امله ژور خواشينى و.

د امريکا ولسمشر بارک اوباما دا د تاوتريخوالي يوه ډارونکې پېښه وبلله او د قربانيانو له کورنيو سره يې غمرازي څرگنده کړه:

(( هغه څه چې پرې پوهېږو، د تاوتريخوالي په دغې ډارونکې پېښه کې يو شمېر امريکايي سرتېري وژل شوي او ډېر نور يې ژوبل دي.

د قربانيانو له کورنيو او هغو سرتېرو سره چې په (فورټ هوډ) کې خدمت کوي غمرازي کووم،او ژوبلو ته دعاوې کوم.

دوى هغه ښځې او سړي دي چې په مېړانې يې خطرمنلى، دوى خپل سر ورکوي چې موږ وساتي .

دا ډېره سخته ده چې موږ دغه باتور امريکايان په پرلپسې ډول په جگړه کې له لاسه ورکوو .))

چارواکو ويلي چې دپېښې په اړه يې پلټنې پيل کړې دي .