خامنئي دغه خبرې د ايران له يوې رسمي راديو سره کړې ، ده ويلي چې که څه هم د امريکا سياست ظاهرآ د سولې خبرې کوي، خو د ايران پروړاندې له دښمنۍ ډک دريځ يې نيولی

خامنئي دغه خبرې د ايران له يوې رسمي راديو سره کړې ، ده ويلي چې که څه هم د امريکا سياست ظاهرآ د سولې خبرې کوي، خو د ايران پروړاندې له دښمنۍ ډک دريځ يې نيولی .

په داسې حال کې چې د امريکا پخواني ولسمشر جورج بوش له ايران سره د مخامخ خبرو مساله نه منله، ولسمشر بارک اوباما وړاندې ويلي چې له تهران سره بايد مخامخ خبرې وشي .

کلنټن ګواښنه کوي

بل خوا د امريکا د بهرنيو چارو وزيرې هيلري کلنټن خبرداری ورکړی، چې ايران بايد د بډاينې لپاره روسيې ته ډېر يورانيم ورکړي .

مېرمن کلنټن دا خبرې په رباط کې يوې خبري ناستې ته کړې دي .

بل پلو د فرانسې د بهرنيو چارو وزير برنارد کوچنر ويلي نړيواله ټولنه به له ايران سره پرېکون ونه مني ((که ايران د مسالې ځنډول غواړي، لکه څنګه چې اوس داسې ښکاري، نو موږ يې نشو منلی .))

د نړيوالې اټومي انرژۍ مشر محمد البرادعي هم له تهرانه غوښتنه کړې چې ورکړل شوی وړانديز بايد ژر ځواب کړي .