هدايت الله هميم په کابل کې

له ٢٠٠١ کال راپدېخوا افغانستان کې د وژل شويو برتانوي پوځيانو شمېر ٢٢٩ ته ورسېده .

دغه سرتېري د هلمند په نادعلي ولسوالۍ کې د يوه افغان پوليس په بريد کې وژل شوي .

سرچينه وايي د تلاشۍ پوستې ته څېرمه يوه افغان پوځي پر برتانوي پوځيانو بريد وکړ او وتښتېده .

په بريد کې درې افغان پوليس ټپيان شوي .

افغانستان کې د برتانوي پوځيانو سرچينه وايي د پېښې په اړه يې پلټنه پيل کړې ده .

د برتانيا دفاع وزارت ويلي بريدکوونکی د ګلبدين په نامه يو افغان افسر و ، چې له بريد وروسته له سيمې په تېښته بريالی شوی .

افغانستان کې د برتانوي پوځيانو يوه وياند جګړن ډېوېډ وېکفيلډ ويلي وژل شويو برتانوي سرتېرو افغان پوليسو ته روزنه ورکوله او له دوو اوونيو راهيسې له دوی سره يوځای اوسېدل .

	براون: ''د دغو پوځيانو په وژنه بايد ټول هېواد وير وکړي . دوی افغانستان کې د امنيت د ټينګښت لپاره تللي وو ، خو د موږ ته تل د افغانستان او پاکستان له ګډې پولې قبايلي سيمو نه خطر دی، او هلته د اورپکو او القاعدې پټنځايونه او روزنځايونه دي .''

جګړن وېکفيلډ زياتوي دا پېښه تېره ورځ د هلمند په نادعلي ولسوالۍ کې شوې ده : ((زموږ پنځه پوځيان ‎، د خپل ماموريت پرمهال وژل شوي. دوی د هېرېدو نه دي .))

د برتانيا لومړي وزير ګورډن براون د خپلو پوځيانو وژنه يوه خطرناکه ضايع بللې او د هغوی له کورنيو ته تسليت ويلی .

نوموړي ويلي (( د دغو پوځيانو په وژنه بايد ټول هېواد وير وکړي . دوی افغانستان کې د امنيت د ټينګښت لپاره تللي وو ، خو د موږ ته تل د افغانستان او پاکستان له ګډې پولې قبايلي سيمو نه خطر دی، او هلته د اورپکو او القاعدې پټنځايونه او روزنځايونه دي .))

تېره مياشت په يوه ورته پېښه کې دوه امريکايي پوځيان د افغان پوليس په ډزو ووژل شول .

دا مهال برتانيا افغانستان کې تر نهو زرو ډېر پوځيان لري، چې زياتره يې د هېواد په نارامه سوېلي ولايت هلمند کې مېشت دي .

له ٢٠٠١ کال راپدېخوا افغانستان کې د وژل شويو برتانوي پوځيانو شمېر ٢٢٩ ته ورسېده .

په تېرې اکتوبر مياشت کې د بي بي سي له خوا ترسره شوې يوې سروې په برتانيا کې ښودلې وه، چې د دې هېواد ډېر خلک په افغانستان کې د خپل پوځ پر شته والي خوښ نه دي .

په سروې کې د برتانيا له يوازې زرو کسانو څخه پوښتنې شوې وې، چې د هغوى په سلو کې ٥٦ بيا په افغانستان کې د برتانيا له پوځي ماموريت سره مخالفت وښود .

په دغې سروې کې په سلو کې ٣٧ وگړو په افغانستان کې د پوځي ماموريت ملاتړ کړی و، يوازې شپږ فيصده دوه زړي وو او په سلو کې يوۀ نه غوښتل چې اصلآ پرې څه ووايي .

	د افغانستان دفاع وزارت وايي د خپل پوځ شمېر به تر سلو زرو ته ورسوي .

کندوز کې چاڼيز عمليات دوام لري

افغان امنيتي چارواکي وايي چې د کندر په پل الچين سيمه کې يې چاڼيز عمليات پيل کړي او تراوسه دوام لري .

دوی وايي دا عمليات يې د بهرنيو ځواکونو، ملي اردو او امنيتي ځواکونو په ملګرتيا پيل کړي، چې له سيمې د اورپکو ټغر ټول کړي .

د چارواکو په وينا، په دغو عملياتو کې د کندوزولايت د ٢٠٩ شاهين قل اردو هم برخه لري .

د دوی په خبره، له وسله والو نه د کندوز ولايت باغ شرکت، زاخېل، باسوز او منګ تپه په بشپړه توګه پاکه شوې ده .

د چارواکو په خبره په دې عملياتو کې اووه وسله وال وژل شوي، چې څلور يې بهرنيان دي، او د خپل يوه سرتېري د وژل کېدو خبر هم ورکوي .