آرش پاکطين په کابل کې

	د روغتيا د نړيوال سازمان د راپور له مخې په نړۍ کې افغانستان له نايجريا وروسته دويم هېواد دى چې په هرو سلو زرو ميندو کې يې ١٦٠٠ ميندوارې ميندې د ماشوم د زيږيون پرمهال مري.

ټاکل شوې ده چې د دغو روغتيايي پروژو عملي چارې د لسو کورنيو او بهرنيو ناحکومتي موسسو له لوري درې اوونۍ وروسته پيل شي .

د دغې روغتيايي پروژې لويه موخه په افغانستان کې د زيږون پرمهال د ميندوارو ميندو او له پنځو کلونو د کم عمره ماشومانو د مړينې د کچې را ټيټول ښوول شوي دي .

په دې پروژې کې د اساسي روغتيايي خدمتونو وړاندې کول او د افغانستان د پنځو ولايتونو له روغتونونو سره د روغتيايي خدمتونو د پراختيا په برخه کې مرستې شاملې دي .

د افغانستان د عامې روغتيا وزير سيد محمد امين فاطمي وايي دغه پروژې به د افغانستان په ١٢ ولايتونو کې روغتيايي وضعيت ته مثبت بدلون ورکړي :

(( يقينان د افغانستان د خلکو په روغتيايي وضعې او په ځانگړې د ميندو او ماشومانو په برخه کې به گټورې پايلې ولري . د روغتيا د وضعيت په ښه کېدو به د افغانستان د خلکو ژوند له ټولنيز او اقتصادي پلوه هم ښه شي .))

	ښاغلى فاطمي زياتوي چې دغه پروگرام به د افغانستان ٣٥ سلنه اوسيدونکي د روغتيايي خدمتونو تر پوښښ لاندې راولي .

ټاکل شوې د ميندو او ماشومانو د مړينې د کچې د راټيټولو په موخه دغه پروگرام د پلازمينې کابل په گډون د افغانستان په بدخشان، بغلان، غزني هرات، جوزجان، کندهار، باميان، خوست پکتيکا او تخار ولايتونو کې پلى شي .

ښاغلى فاطمي زياتوي چې دغه پروگرام به د افغانستان ٣٥ سلنه اوسيدونکي د روغتيايي خدمتونو تر پوښښ لاندې راولي .

پر دغه پروگرام ٧٢ ميليونه ډالره لگښت راځي چې پيسې يې د امريکا د متحدو ايالتونو له لوري ورکول کيږي. روغتيايي چارواکي ژمنه کوي چې د امريکا په مالي مرسته به دغه پروگرام د افغانستان پاتې نورو ولايتونو ته هم وغزول شي .

د روغتيا د نړيوال سازمان د راپور له مخې په نړۍ کې افغانستان له نايجريا وروسته دويم هېواد دى چې په هرو سلو زرو ميندو کې يې ١٦٠٠ ميندوارې ميندې د ماشوم د زيږيون پرمهال مري. خو د افغانستان د عامې روغتيا وزارت دغه شميرې ناسمې گڼي .