د عربي چارو څېړونکي مجدي عبدالهادي راپور

	د قطري رسنيو شرکت چې د فېلم جوړولو لګښت پر غاړه لري، ويلي د فېلم ليکنه به راتلونکی کال چمتو شي او فېلم جوړول به ورپسې کال پيل شي.

دغه فېلم به په انګرېزۍ وي او جوړوونکی به يې (باري اوسبورن) وي، چې مخکې يې د (Lord of the Rings ) او (Matrix) فلمونه جوړ کړي دي .

د دغې پروژې ترشا د ًطر رسنۍ وايي د فېلم هدف دا دی چې خلکو ته د اسلام په اړه پوهنه ورکړل شي، او د پيغمبر صلی الله عليه وسلم په اړه د لوېديځوالو ناسم پوهاوی سم شي.

د قطري رسنيو شرکت چې د فېلم جوړولو لګښت پر غاړه لري، ويلي د فېلم ليکنه به راتلونکی کال چمتو شي او فېلم جوړول به ورپسې کال پيل شي.

	کينو ريوز په ماترېکس فيلم کې

د اسلامي دين عالم يوسف القرضاوي ته د پلټنې ډلې د څارنې دنده سپارل شوې چې د تاريخي او مذهبي پلوه د فلم کره والی ډاډمن کړي .

ده وويل دغه فلم به يو داسې فرصت وي چې ټولې نړۍ ته د پيغمبر صلی الله عليه وسلم د سولې پيغام روښانه کړي .

د امريکا فلم جوړوونکي (باري اوسبورن) وويل پر هر ډول انځوريزه بڼه چې د پيغمبر استازيتوب کوي، له اسلامي اړخه بنديز به د فلم جوړونې په وړاندې يوه ننګونه وي .

دغه پلان شوی فېلم د رسنيو پروژو وروستۍ برخه ده چې په تېرو څو کلونو کې په يوه موخه پيل شوې، هغه دا چې د لوېديځو نيوکو پر ضد له اسلام نه دفاع وکړي .

دا انګېرنه چې اسلامي عقيده په لوېديځ کې تر بريد لاندې ده، او دوی پرې سم نه پوهېږي، يوه زړه خبره ده، په تېرو څو کلونو کې چې د امريکا په مشرۍ پر افغانستان او عراق يرغل شوی، يوه بيړنۍ پاملرنه ورته شوې .

د دغه فېلم ډايرېکټر مصطفی العقاد نژدې دېرش کاله وروسته بيا د هغو کسانو ترمنځ و چې په اردن کې د اسلام پاله اورپکو له خوا په هموهاله ځواګونو ځانمرګو بريدونو کې ووژل شول .

د پيغمبر صلی الله عليه وسلم په اړه په دنمارک کارتوني انځورنو دا خبره يو ځل بيا راوسپړله چې د اسلام په اړه نه پوهاوی سم دی، او نه هم سم چلن ورسره کېږي .

دغه نوی فېلم د خپل ډول دويم دی چې له پيله د نړيوالو کتونکيو لپاره جوړېږي، او موخه يې دا وه چې د لوېديځ د بې پروالي چاره وکړي .

لومړی فېلم د (الرساله يا پيغام) فېلم و چې په ١٩٧٦ کال کې جوړ شوی او (انتوني کوېن) په کار کړی و. هغه مهال د فېلم په وړاندې خورا زيات احتجاجونه وشول چې د پيغمبر پر انځورونې له بنديز پکې سرغړونه شوې ده . خو په حقيقت کې داسې نه و شوي .

د دغه فېلم ډايرېکټر مصطفی العقاد نژدې دېرش کاله وروسته بيا د هغو کسانو ترمنځ و چې په اردن کې د اسلام پاله اورپکو له خوا په هموهاله څوګونو ځانمرګيو بريدونو کې ووژل شول .