القاعدې په دې وروستيو کې په يوشمېر اسلامي هېوادونو لکه، الجزاير، عراق، افغانستان او يمن کې خپل بريدونه ډېر کړي .

دا خبره په عربي جزيره کې د القاعده ډلې يوه مشر ابو بصير ناصر الوحيشي کړې ده .

نوموړي ويلي جنګيالي يې بايد له لاسي بمونو کار واخلي .

د نوموړي دغه خبرې د القاعدې ډلې پر يوې وېبپاڼې هم خپرې شوې .

په وينا کې پر دين نه ولاړو رسنيو او د هغوی پر چلوونکو د بريدونو امر شوی .

وينا خپلو جنګياليو ته دا وصيت هم کوي هغه عرب مشران په نښه کړي، چې له لوېديځ سره د تېلو د راکړې ورکړې معامله کوي .

الوحيشي ويلي : ((تاسو اوس دې ته اړتيا نه لرئ، چې د لسو ګرامو چاودېدونکو توکو لپاره ډېرې پيسې ولګوئ، بلکې دا اوس ستاسو د ميندو په پخلنځيو کې هم موندل کېږي . ))

نوموړي ويلي په منځني ختيځ کې د امنيتي او حکومتي چارواکو سربېره بايد هغه هېوادونه هم ‎ په نښه شي، چې د اسلامي هېوادونو په جګړه کې ښکېل دي .

د ويلو ده چې القاعدې په دې وروستيو کې په يوشمېر اسلامي هېوادونو لکه، الجزاير، عراق، افغانستان او يمن کې خپل بريدونه ډېر کړي .

په چړو او لکړو

الوحيشي په خپله وينا کې ويلي د لاديني رسنيو چلوونکي او ليکوال که په چړو هم وي، ووژنئ: ((د ځينو لپاره چړې کافي دي، او د ځينو لپاره بيا ژور ټپونه، او يا دا چې له خپلو پنځوا حواسو يو له لاسه ورکړي . ))