بي بي سي پښتو ډاټ کام

	په تېر اګست مياشت کې ٥١ امريکايي پوځيان وژل شوي ول .

دا پېښه نن ګهيځ (دوشنبه، د اکتوبر ٢٦ مه) شوې ده .

دوی وايي لومړی دوې امريکايي الوتکې د افغانستان په جنوب کې سره وجنګېدې او اووه امريکايي پوځيان او درې ملکي کارکوونکي پکې ووژل شول .

امريکا وايي چې په دغه پېښه کې ١٤ افغانان هم ټپيان شوي دي .

په خبرپاڼه کې د الوتکو د ټکر ځای بادغيس ولايت ښودل شوی دی .

په خبرپاڼه کې د امريکايي ځواکونو د يوه تن وياند جګړن واين شانکس له خولې د امريکايانو د وژل کېدو خبره تاييد شوې ده .

خبرپاڼه وايي د پېښې په اړه يې پلټنه پيل کړې ده .

بل خوا د اسوشېټېډ پرېس خبري اژانس د امريکايي ځواکونو د يوه وياند له خولې ويلي چې دغه پېښه د دښمن د بريد له امله نه ده رامنځ ته شوې .

وياند زياتوي چې ټپي شوي پوځيان يې د خپلو ځواکونو روغتون ته لېږدولي دي .

د وسله والو طالبانو پرضد عملياتو کې د نړيوالو ځواکونو د يوې بلې الوتکې د
راغورځېدو خبر هم ورکړل شوی، او پکې د څلورو امريکايي پوځيانو د وژل کېدو خبر ورکړل شوی دی .

وسله والو طالبانو ويلي چې په الوتکه کې سپاره ټول امريکايان وژل شوي، چې د بهرنيو ځواکونو لخوا لېږدول شوي دي .

	په افغانستان کې د امريکايي ځواکونو قوماندان جنرال سټېنلي مکرېسټل له اوباما نه افغانستان ته د ٤٠ زره نورو پوځيانو د استولو غوښتنه کړې وه .

د رسمي شمېرو له مخې روان ميلادي کال په افغانستان کې د بهرنيو ځواکونو په تېره بيا د امريکا او برتانيا لپاره ډېر خونړی دی .

په تېر اګست مياشت کې ٥١ امريکايي پوځيان وژل شوي ول .

او د روانې اکتوبر مياشتې له پيله تر اوسه په افغانستان کې ٣٠ امريکايي پوځيان وژل شوي دي .

په امريکا کې افغانستان ته د نورو ځواکونو د ډېرولو مساله تر غور لاندې ده .
د روان اکتوبر پر شلمه د امريکا د دفاع وزير رابرټ ګېټس ويلي وو چې افغانستان د نورو سرتېرو د لېږلو پرېکړه بايد په دغه هېواد کې د سياسي کړکېچ هوارولو ته ونه ځنډول شي .

وړاندې په افغانستان کې د امريکايي ځواکونو قوماندان جنرال سټېنلي مکرېسټل له اوباما نه افغانستان ته د ٤٠ زره نورو پوځيانو د استولو غوښتنه کړې وه .

دا مهال په افغانستان کې تر ٦٥ زرو ډېر امريکايي پوځيان مېشت دي .