عبدالمالک عاصم له کابله

	دا لومړی ځل نه دی چې روسي چارواکي په افغانستان کې د توليدونکو نشه يي توکو له امله اندېښنه ښيي بلکې تر دې وړاندې يې هم په وار وار ورته څرګندونې کړې دي .

دغې ستونزې د ماسکو او واشنگټن ترمنځ په اړيکو منفي سيورى غوړولى .

روسيه ، ناټو او ډېر کله متحده ايالات تورنه وي چې په افغانستان کې د نشه يي توکو د له منځه وړلو په هڅوکې پاتې راغلې ده .

د کمونيزم له ماتې وروسته د روسيې سويلي پولې له د غه ډول ستونزو ډېر ې اغېزمنې دي .

په افغانستان کې د توليد شويو هيروينو لويه برخه د پخواني شوروي اتحاد د جمهوريتونو تاجکستان او ترکمنستان له لارې قاچاق کېږي چي وروسته د قزاقستان له لار ې د مرکزي روسيې سيمو ته وړل کېږي چې د هيروينو گڼ شمېر روږدي پکې ژوند کوي .
د پوليسو او سرحدي ساتونکو لخوا دنيول شويو هيروينو کچه ډېره کمه ده.
د روسيې د روغتيا چارواکي وايي د زياتو نشه يي توکو کارول هره ورځ اتيا تنه وژني .

پر دې سر بېره په روسيه کې د ستنې له لارې د نشه يي توکو د زياتې کارونې له کبله په سلگونو زره کسان په اچ اى وي او تور زيړي اخته شوي دي .

دقيقه شمېره يې نه ده معلومه خو اټکل کېږي چې په روسيه کې د يو نيم او شپږ ميليون کسانو ترمنځ په هيروينو روږدي دي .