|
پاکستان: اسلامي پوهنتون کې چاودنې شوې
|
|||||||||||||||||||||||||||||||||||||||||||||||||||||||||||||||||||||||||||||||
د اسلام اباد نړيوال اسلامي پوهنتون په انګړ کې دوو چاودنو څلور تنه وژلي او تر 18پورې نور ټپيان شوي دي .
دغه پوهنتون د اسلام اباد په ختيځ سيکټر آی ټېن کې پوليس لاين ته جوخت پروت دی . په اسلام اباد کې پوليسو ويلي چې لومړۍ چاودنه د نجونو درسي بلاک ته څېرمه په کيفټيريا کې وشوه، چې شېبه وروسته د شريعت په نامه درسي ودانۍ ته نژدې بله چاودنه هم وشوه . پوليسو ويلي چې دواړه ځانمرګي بريدونه دي . په ټپيانو کې ښځينه محصلين هم شته . پوليس وايي چې د چاودنو په تور يې د پېښې ځای ته څېرمه يو مشکوک کس هم نيولی او د پېښې په اړه پلټنې روانې دي . د اسلام اباد پمز روغتون وياند ډاکټر وسيم خواجه رسنيو ته ويلي چې له اسلامي پوهنتون نه دوی ته درې مړي وروړل شوي، چې دوه يې نارينه او يوه ښځه ده . په دې وروستيو کې پاکستان کې چاودنې او د تاوتريخوالو پېښې مخ پر زياتېدو دي . درې ورځې وړاندې پاکستاني پوځ د جنوبي وزيرستان پر قبايلي سيمو ځمکني عمليات پيل کړل چې لاهم دوام لري . |
ورسره تړلي نور خبرونه
پاکستان کې د انساني ناورين وېره ده20 اکتوبر, 2009 | نړۍ
|
|||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||