ښايي د جان هټن دغه څرګندونې به د برتانيا پر لومړي وزير ګورډن براون لانور دباو راوړي چې د پوځي مشرانو هغې غوښتنې ومني، چې وايي افغانستان کې دې برتانوي پوځيانو ته نور پوځي تجهيزات ولېږل شي .

جان هټن چې تېره مياشت يې له خپلې څوکۍ استعفا وکړه، ويلي چې د برتانيا حکومت بايد افغانستان کې د خپلو سرتېرو فعاليت وارزوي .

د بي بي سي خبريال وايي نوموړي دغه څرګندونې داسې مهال کړې، چې لاهم په افغانستان کې د برتانوي پوځيانو د فعاليت او شتون پر سر د پوځي قوماندانانو او برتانوي وزيرانو ترمنځ اختلاف شته .

ښايي د جان هټن دغه څرګندونې به د برتانيا پر لومړي وزير ګورډن براون لانور دباو راوړي چې د پوځي مشرانو هغې غوښتنې ومني، چې وايي افغانستان کې دې برتانوي پوځيانو ته نور پوځي تجهيزات ولېږل شي .

وړاندې د برتانيا لومړي وزير ګورډن براون ويلي وو چې هېواد يې په افغانستان کې د روانې جګړې لپاره کافي سرتېري لري او نه غواړي چې دغه هېواد ته نور برتانوي سرتېري او يا هم پوځي تجهيزات ولېږي .

	جان هټن په هلمند کې له والي محمد ګلاب منګل او مېشتو برتانوي سرتېرو سره .

نوموړي ويلي دا هم ويلي وو چې سرتېري يې کولی شي چې په سوېلي ولايت هلمند کې وسله وال طالبان پسې واخلي .

ګورډن براون دغه څرګندونې برتانوي پارلمان ته تر هغه وروسته کړې وې، چې په هلمند کې په يوه ورځ له طالبانو سره په جګړې کې اته برتانوي پوځيان ووژل شول .

دغه ورځ په برتانيا کې د تورې ورځې په نامه ياده شوه .

موږ نيمګړتيا نه لرو

نوموړي ويلي وو چې : ((موږ په افغانستان کې د طالبانو د ځپلو لپاره کافي عسکر او پوځي تجهيزات لرو، هلته زموږ هېڅ پوځي نيمګړتيا نه احساسېږي .))

ده دا هم زياته کړې وه چې پوځيان يې په افغانستان کې يو سخت دوبی په مخ کې لري، خو که له هلمنده طالبان په وتلو مجبوړ کړای شو، موږ به په خپلو عملياتو کې بريالي يو .