دوه ورځې وړاندې هم په زابل کې پر افغان سرتېرو بريد شوی و.

چاودنه نن سهار شاوخوا لس بجې شوې ده .

د افغانستان دفاع وزارت بي بي سي ته په يوه رالېږلې ويناپاڼه کې ويلي چاودنه د زابل ولايت د شاجوی ولسوالۍ په شاه حسين خېلو سيمه کې شوې ده .

د خبرپاڼې په وينا، د چاودېدونکو توکو ډک سرف ګاډی د ملي اردو سرتېرو له رنجر ګاډي سره جنګول شوی دی .

خو د دفاع وزارت له لوري په خپره شوې يوه وينا پاڼه کې دا يو ځانمرګی بريد بلل شوی چې د ملي اردو ګاډی يې په نښه کړی و .

بله خوا په لوېديز ولايت بادغيس کې چارواکي وايي چې په بالامرغاب ولسوالۍ کې دوه سرحدي پوليس هغه مهال ووژل شول چې موټر يې د سړک غاړې په يوه ماين وخوت.

دغه راز په چاودنه کې د پوليسو يوبل افسر ټپي شوی او ګاډی يې له منځه تللی دی .

د پکتيا ولايت په ګرده څېړۍ ولسوالي کې د سړک غاړې ماين په چاودنه کې د ملي اردو يو سرتېر وژل شوی او درې نورټپيان شوي دي .

خو طالبان وايي چې په دغې چادونه کې 6 سرتېري وژل شوي او درې نور ټپيان شوي دي .